Naırobıde (Kenııa) Eýropadaǵy ekonomıkalyq yntymaqtastyq pen damý uıymy jáne BUU Damý Baǵdarlamasynyń memlekettik qyzmetti jetildirý Ǵalamdyq ortalyǵynyń birlesken hatshylyǵyna negizdelgen Tıimdi ınstıtýttar Tuǵyrnamasynyń (EIP) jyl saıynǵy kezdesýinde memlekettik qyzmet kórsetý salasyndaǵy praktıkter Alıansy jumys nátıjeleri jarııa boldy. Alıans Astanadaǵy memlekettik qyzmet salasyndaǵy О́ńirlik hab bastamasymen qurylǵan.
Kezdesý barysynda qatysýshylar tıimdi ınstıtýttardy damytý salasyndaǵy trendter men ınnovasııalardy, onyń ishinde memlekettik apparat tıimdiligi men jaýapkershiligin arttyrý, reformalar jasaý saıasaty men esep beretin myǵym júıeler qalyptastyrý máselelerin talqyǵa saldy. Sonymen birge álemniń 60-tan astam eli men uıymdaryn biriktiretin Tıimdi ınstıtýttar Tuǵyrmanamasy qatysýshylaryna óz elderiniń tájirıbelerimen bólisip, tabysty memlekettik reformalar jasaýdyń joldaryn qarastyrý múmkindigi berildi.
Habtyń apparat jetekshisi Ernar Jarkeshov tıimdi ınstıtýttar Tuǵyrnamasyna onyń qatysýshysy retinde Astana habynyń qosqan úlesin baıandady. Onda Astana habynyń Ázirbaıjan, Grýzııa jáne Qazaqstannyń memlekettik qyzmet kórsetý boıynsha praktıkter Alıansyn «teńmen teń» qaǵıdaty boıynsha qurǵany atap ótildi. Alıans jumysy aýqymynda Grýzııa (Iýstısııa úıi), Ázirbaıjan (ASAN qyzmeti), Qazaqstannyń («Azamattar úshin úkimet» memlekettik korporasııasy) ozyq tájirıbelerin kórsetetin saraptamalyq materıaldar – keıs-stadıler jasalyp, birlesken zertteýlerge keńesshiler jumyldyryldy. Habtyń bul tájirıbesi EIP basqa qatysýshylaryn da qyzyqtyryp, óz elderinde sondaı qurylym qurý úshin Alıans jumysymen keńirek tanysty.
EIP daıarlaǵan nusqaýlyq boıynsha, Alıansty damytýdyń kelesi kezeńi - «bir terezeden» qaǵıdaty boıynsha ozyq sheshimderdi zerttep, tanystyrý maqsatynda semınarlar, trenıngter formasyndaǵy ózara áreket etýdiń strategııasyn jasaý bolmaq.