Kárim Másimov Qazaqstan Trıatlon federasııasynyń prezıdenti bolyp saılandy, dep habarlady QR UQK baspasóz qyzmeti.
Onyń kandıdatýrasyn búgin ótken Federasııa konferensııasynda tańdady. Konferensııa jumysyna QR Mádenıet jáne sport mınıstri Arystanbek Muhamedıuly, sondaı-aq Federasııa músheleri, quramanyń jattyqtyrýshylar quramy, Mádenıet jáne sport mınıstrligi men Ulttyq olımpıadalyq komıtettiń ókilderi qatysty.
K.Másimov óziniń sózinde aımaqtardaǵy sport túrleriniń damýyna basa nazar aýdara otyryp, federasııanyń aldaǵy ýaqyttaǵy mindetterin belgiledi.
«Trıatlon - bizdiń elimizge keıin kelgen sport túri, sondyqtan onyń damýy áli bastapqy kezeńde. Bul sport túriniń josparly jáne keshendi damýyn qamtamasyz etý qajet jáne atalǵan jumys bolashaqta óz nátıjesin beredi», dedi K.Másimov.
Kezdesýde uıymnyń qyzmeti týraly esebi tyńdaldy. Sonymen qatar, Federasııanyń basqarý organdarynyń jańa quramy jasaqtaldy.