2011 jylǵy 12 tamyz
Memlekettik ákimshilik qyzmetshiniń laýazymdyq nusqaýlyǵyn ázirleý men bekitý jónindegi qaǵıdany bekitý týraly
«Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 5-baby 1-tarmaǵynyń 10-2) tarmaqshasyna sáıkes buıyramyn:
1. Qosa berilip otyrǵan Memlekettik ákimshilik qyzmetshiniń laýazymdyq nusqaýlyǵyn ázirleý men bekitý jónindegi qaǵıda bekitilsin.
2. Qazaqstan Respýblıkasy Memlekettik qyzmet isteri agenttiginiń Memlekettik qyzmetti quqyqtyq qamtamasyz etý departamenti (A.Sh. Haıdarov) osy buıryqtyń Qazaqstan Respýblıkasynyń Ádilet mınıstrliginde memlekettik tirkeýden ótýin jáne zańnamamen belgilengen tártippen resmı jarııalanýyn qamtamasyz etsin.
3. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Tóraǵa A. BAIMENOV.
Qazaqstan Respýblıkasy Memlekettik qyzmet isteri agenttigi Tóraǵasynyń
2011 jylǵy 12 tamyzdaǵy №02-01-02/164 buıryǵymen bekitilgen
Memlekettik ákimshilik qyzmetshiniń laýazymdyq nusqaýlyǵyn ázirleý men bekitý jónindegi qaǵıda
1. Jalpy erejeler
1. Osy Memlekettik ákimshilik qyzmetshiniń laýazymdyq nusqaýlyǵyn ázirleý men bekitý jónindegi qaǵıda (budan ári – Qaǵıda) memlekettik organdardaǵy memlekettik ákimshilik qyzmetshilerdiń laýazymdyq nusqaýlyǵyn birizdendirý maqsatynda ázirlendi.
2. Qazaqstan Respýblıkasynyń 1999 jylǵy 23 shildedegi «Memlekettik qyzmet týraly» Zańynda belgilengen negizgi mindetterden týyndaıtyn jáne biliktilik talaptary negizinde aıqyndalatyn ákimshilik memlekettik qyzmetshiniń naqty mindetteri kórinis tabatyn qujat laýazymdyq nusqaýlyq bolyp tabylady.
3. Laýazymdyq nusqaýlyq memlekettik organnyń strategııalyq josparyn iske asyrýǵa jáne ákimshilik memlekettik qyzmetshiniń jumys isteıtin qurylymdyq bólimshesine tikeleı qatysy bar qoıylǵan mindetterge ákimshilik memlekettik qyzmetshiniń mindetter men ındıkatorlarǵa qol jetkizýge baǵyttalǵan erejelerdi qamtıdy.
2. Laýazymdyq nusqaýlyqty ázirleý, kelisý, bekitý jáne oǵan túzetýler engizý tártibi
4. Laýazymdyq nusqaýlyqtyń jobasyn memlekettik ákimshilik qyzmetshi jumys isteıtin memlekettik organnyń qurylymdyq bólimshesi ázirleıdi.
5. Laýazymdyq nusqaýlyqtyń jobasy memlekettik organnyń kadr qyzmetimen kelisiledi. Laýazymdyq nusqaýlyq jobasynyń árbir paraǵyna memlekettik ákimshilik qyzmetshiniń tikeleı basshysy qol qoıady.
Kadr qyzmeti laýazymdyq nusqaýlyqty ázirleý jónindegi jalpy úılestirýdi jáne baqylaýdy qamtamasyz etedi, sondaı-aq ony memlekettik organnyń basshysyna bekitýge engizedi.
6. Qyzmettik nusqaýlyqtardy memlekettik organnyń basshysy bekitedi, ol osy ókilettikterdi jaýapty hatshyǵa, memlekettik organnyń qurylymdyq bólimsheleriniń basshylaryna berýge quqyly.
7. Kadr qyzmeti memlekettik ákimshilik qyzmetshi laýazymǵa taǵaıyndalǵannan keıin úsh jumys kúnniń ishinde memlekettik ákimshilik qyzmetshini onyń laýazymdyq nusqaýlyǵymen tanystyryp, sondaı-aq, laýazymdyq nusqaýlyq jańa redaksııada bekitilgennen keıin nemese laýazymdyq nusqaýlyqqa engizilgen ózgerister men tolyqtyrýlar bekitilgennen keıin úsh jumys kúnniń ishinde memlekettik ákimshilik qyzmetshige laýazymdyq nusqaýlyqtyń, laýazymdyq nusqaýlyqqa ózgerister men tolyqtyrýlar engizý týraly aktiniń kóshirmesin berip, onymen tanystyrady jáne qol qoıǵyzady.
8. Bekitilgen laýazymdyq nusqaýlyq kadr qyzmetinde saqtalady.
9. Laýazymdyq nusqaýlyq bekitilgen kezinen bastap kúshine enedi jáne onyń kúshi joıylǵanǵa deıin nemese laýazymdyq nusqaýlyqtyń jańa redaksııasy bekitilgenge deıin qoldanylady.
10. Qurylymdyq bólimshe laýazymdyq nusqaýlyqty tıisti túzetýler engizý qajettiligi turǵysynan jyl saıyn qaraıdy.
11. Laýazymdyq nusqaýlyqqa ózgerister men tolyqtyrýlar engizý týraly qujattardyń jobalaryn memlekettik organ basshysynyń tapsyrmasymen qurylymdyq bólimshe nemese qurylymdyq bólimsheniń bastamasymen daıyndaıdy.
12. Laýazymdyq nusqaýlyqqa ózgerister men tolyqtyrýlar kadr qyzmetimen kelisiledi jáne memlekettik organnyń tıisti aktisimen resimdeledi.
13. Eger memlekettik ákimshilik qyzmetshiniń laýazymdyq mindetterin atqarý basqa adamǵa júktelse (memlekettik ákimshilik qyzmetshi demalysta, issaparda, ýaqytsha eńbekke jaramsyz bolǵanda nemese basqa da jaǵdaılarda), onda kadr qyzmeti osy adamdy memlekettik ákimshilik qyzmetshiniń mindetin atqarý júktelgen kúnnen bastap úsh jumys kúni ishinde memlekettik ákimshilik qyzmetshiniń laýazymdyq nusqaýlyǵymen qol qoıǵyzyp tanystyrady.
3. Laýazymdyq nusqaýlyqtyń mazmuny
14. Laýazymdyq nusqaýlyq osy Qaǵıdanyń qosymshasyna sáıkes nysan boıynsha resimdeledi.
Laýazymdyq nusqaýlyqta memlekettik organnyń, qurylymdyq bólimsheniń, laýazymnyń ataýy jáne osy nusqaýlyqty bekitý týraly qujattyń derektemeleri kórsetiledi.
15. Laýazymdyq nusqaýlyq mynadaı bólimderden turady:
1) «Jalpy erejeler»;
2) «Quqyqtary»;
3) «Mindetteri»;
4) «Jaýapkershiligi».
16. «Jalpy erejeler» bóliminde:
1) ákimshilik memlekettik qyzmetshi óz qyzmeti men ókilettikterin solardyń negizinde júzege asyratyn uıymdastyrý-quqyqtyq qujattar;
2) osy memlekettik ákimshilik qyzmetshige tikeleı baǵynatyn qurylymdyq bólimsheler men laýazymdar tizbesi (bar bolsa);
3) negizgi qyzmetker ýaqytsha bolmaǵan kezde bir-birin aýystyrý tártibi.
17. «Quqyqtary» bóliminde memlekettik ákimshilik qyzmetshiniń belgili bir is-áreketterdi jasaý, ózine júktelgen tapsyrmalar men mindetterdi oryndaý barysynda basqa tulǵalardan belgili bir minez-qulyqty, is-áreketterdi nemese is-áreketter jasamaýdy talap etý múmkindigi túsiniletin quqyǵy kórsetiledi.
Bólimde memlekettik ákimshilik qyzmetshiniń ózine júktelgen mindetterdi oryndaý kezinde ıe bolatyn quqyqtary, onyń ishinde mynadaı:
1) uıymdastyrý-ókimdik;
2) ákimshilik-sharýashylyq;
3) bılik ókili;
4) tekserý jáne baqylaý is-sharalary;
5) bıýdjet qarajatyn bólý týraly sheshimderdi daıyndaý jáne qabyldaý jónindegi;
6) memlekettik satyp alýlardy júzege asyrý jónindegi;
7) ruqsat qujattaryn berý jónindegi;
8) tólemder týraly sheshimder qabyldaý jáne daıyndaý jónindegi;
9) memlekettik qyzmetter kórsetý jónindegi.
Memlekettik ákimshilik qyzmetshi atqaratyn laýazymdyq mindetterdiń ereksheligi eskerilip, onyń quqyqtaryn naqtylaýǵa jol beriledi.
18. «Mindetteri» bóliminde memlekettik ákimshilik qyzmetshiniń memlekettik organnyń qurylymdyq bólimshesiniń mindetteri men fýnksııalaryn júzege asyrý, ózine berilgen quqyqtardy iske asyrýǵa maqsatynda, olardy oryndaýy mindetti bolyp tabylatyn is-áreketteriniń aýqymy kórsetiledi, sondaı-aq memlekettik ákimshilik qyzmetshiniń belgili bir is-áreketterdi jasamaý jónindegi mindetteri kórsetiledi.
Memlekettik ákimshilik qyzmetshi memlekettik qyzmetter kórsetý jumystaryn atqarǵan kezde onyń laýazymdyq nusqaýlyǵynda memlekettik qyzmet kórsetýdiń tıisti reglamentteri men standarttaryn saqtaý, ákimshilik rásimderdi saqtaý jóninde qamtıdy.
Bólimde memlekettik ákimshilik qyzmetshiniń ishki eńbek tártibi erejelerin saqtaý jónindegi mindetteri kórsetiledi.
19. «Jaýapkershiligi» bóliminde memlekettik ákimshilik qyzmetshiniń ózine qoıylǵan mindetterdi jáne júktelgen ókilettikterdi, memlekettik qyzmetshilerdiń etıkasy normalaryn, Qazaqstan Respýblıkasynyń memlekettik qyzmetinde bolýmen baılanysty shekteýlerdi oryndaýǵa ne olardy ýaqtyly, sapaly jáne tıisti oryndamaǵany ár túrli zańdy jaýapkershilik týdyratyndaı buzǵany úshin derbes jaýap beretin mindeti kórsetiledi.
Memlekettik ákimshilik qyzmetshiniń laýazymdyq nusqaýlyǵyn ázirleý men bekitý jónindegi qaǵıdaǵa qosymsha
Úlgilik nysan
BEKITILDI
________________________________
(memlekettik organnyń aktisiniń ataýy,
datasy, nómiri)
Laýazymdyq nusqaýlyq
_______________________________________________________________________________________
(shtattyq keste boıynsha memlekettik ákimshilik qyzmetshi laýazymynyń
jáne memlekettik organnyń qurylymdyq bólimshesiniń tolyq ataýy)
1. Jalpy erejeler
1.1.
1.2.
1.3 jáne t.b.
2. ______________________________________ quqyqtary
(laýazymnyń ataýy)
2.1.
2.2.
2.3. jáne t.b.
3. ______________________________________ mindetteri
(laýazymnyń ataýy)
3.1.
3.2.
3.3. jáne t.b.
4. __________________________________________________ jaýapkershiligi
(laýazymnyń ataýy)
4.1.
4.2.
4.3. jáne t.b.
Tanystym:
____________________________________________________________________
(memlekettik ákimshilik qyzmetshiniń tegi, aty, ákesiniń aty, qoly, datasy)
Buıryq Qazaqstan Respýblıkasynyń Ádilet mınıstrliginde 2011 jylǵy 5 qyrkúıekte Normatıvtik quqyqtyq kesimderdi memlekettik tirkeýdiń tizilimine №7157 bolyp engizildi.