Bastaldy!

Almatyda elimizdiń mádenı ómirindegi eń aýqymdy shara – VII halyqaralyq «Eýrazııa» kınofestıvali bastaldy. Qyzyl kilem ústindegi aıtýly qonaqtardyń, otandyq kıno sańlaqtary men ardagerleriniń sherýimen shymyldyǵyn túrgen dástúrli oqıǵa bul joly О́.Joldasbekov atyndaǵy Stýdentter saraıynda ótti. Altyn kúzde esigin aı­qa­ra ashqan jetinshi festı­val­diń salmaǵy men sal­tanatyn Djon Kıýsak, Chak Rassel, Sıgýrnı Ýıver, Nastasıa Kınskı, Elena Korıkova, Vladımır Eremın, Vadım Kolganov syndy ta­nys­tyrý men madaqtaýdy qajet etpeıtin kınosańlaqtar art­ty­ryp otyr. Munan da bólek, festıvalǵa 25 elden 130-ǵa jýyq kınematografııa ókil­de­ri jınaldy. Jyl saıyn elimizdiń kı­nematografııasyn bir serpiltip ótetin kezekti festıval Elba­sy­nyń quttyqtaýymen bas­tal­dy. Memleket basshy­sy Nur­sultan Nazarbaevtyń Jol­daý­yn Mádenıet mınıs­tri Muh­tar Qul-Muhammed jetkizdi. Osy arada memleketimiz otandyq kınematografııany damytýǵa az qarajat bólip otyrmaǵanyn bóle-jaryp atap ótýge tıistimiz. Bul sala qazir qaı jaǵynan bolsa da qoldaýdan kende emes. Qalǵany – óz rejısserlerimiz ben akterlerimizdiń qııa­ly men qabiletiniń quzy­rynda. Sondyqtan da «Qazaq­fılm» AQ prezıdenti Ermek Amanshaevtyń:  «Eýrazııa» jyl asqan saıyn aý­qym­dy bola túsýde. Ol eleýli, áriptestik jáne iskerlik alańyna aınalyp keledi. Bı­ylǵy jyly qurmetti qonaq­tardan basqa oǵan Kann, Berlın, Venesııa halyqaralyq kınofestıvaldarynyń baǵ­dar­lamalyq dırektorlary da keldi. Qazaqstandyq kıne­matografısterdiń basty ar­ma­ny – «A» sanatyndaǵy ha­lyqaralyq baıqaýlarǵa qa­ty­sý. Bul «Qazaqfılm» kı­nostýdııasynyń da aldyna qoıǵan basty maqsaty», – dep sóz saptaýy beker emes. Festıvaldiń irikteý ko­mıssııasy osydan eki apta bu­ryn baıqaýǵa qatysatyn týyndylar tizimin jarııa etken bolatyn. 40 týyndynyń arasynan 12 fılm iriktelip alynǵany aıan. Olardyń qa­tarynda Rýmynııanyń «Kó­ńil­des», Irannyń «О́tine­min, mazalama», Qazaqstannyń «Shýaqty kúnder», «Rıel­tor», Islandııanyń «Janartaý», Qyrǵyzstannyń «Ma­hab­batty moıyndaý», Re­seıdiń «Bádáýı», «О́zge aspan», Fransııanyń «Alys kórshi», О́zbekstannyń «Qor­ǵasyn», Fılıppınniń «Býsong» jáne Qazaqstan men Japonııa rejısserleri birlesip túsirgen «Naızaǵaıdan buryn» fılmderi bar. Aldaǵy ýaqytta bul týyndylardy FIPRESSI jáne NETPAK kınosyn­shy­lary baǵalaıtyn bolady. Úz­dik tórt týyndy halyq­ara­lyq qazylardyń syıly­ǵyn ıelense, eki fılm FIPRESSI jáne NETPAK ma­rapatyn jeńip almaq. Bıylǵy jyly festıval baǵdarlamasynda mańyzdy óz­ge­rister oryn alyp otyr­ǵa­nyn buǵan deıin de baıan­da­ǵan­byz. Sońǵy jyldary baı­qaýǵa Ortalyq Azııa el­de­riniń fılmderi ǵana qa­tysyp kelgen-di. Endi «Eýrazııa» festıvaliniń aıasy keńeıip, aýqymdy baıqaýǵa aı­naldy. Onda Eýropa, Azııa, TMD elderi men qazaq­standyq týyndylar baq synaıtyn bolady. Saltanatty ashylýdan keıin Egor Mıhalkov-Kon­chalovskııdiń «A»-ǵa oralý» fılmi kórsetildi. Al festıvaldiń jabylý saltanaty 24 qyrkúıekte ótedi. Qandaı fılmderdiń eń úzdik dep tanylǵany da sol kúni belgili bolmaq. Aınash ESALI, Almaty. Sýretterdi túsirgen Kárim QADYRBAEV.