26 mamyrda Qazaqstannyń basym bóligi antısıklonnyń yqpalynda bolady, tek batys, ońtústik, ońtústik-shyǵys aımaqtarynda qubylmaly aýa raıy saqtalady, atmosferalyq aǵyndardyń ótýine baılanysty keı jerlerinde naızaǵaıly jaýyn jaýady.
Respýblıkanyń keı jerlerinde tuman, shańdy daýyl soǵyp jel kúsheıedi, dep habarlaıdy Qazgıdromet. Qyzylorda oblysynyń keı jerlerinde shańdy daýyl soǵyp, jeldiń ekpini 15-20 m/s-ge kúsheıedi.
Ońtústik Qazaqstan, tańerteń jáne kúndiz Jambyl, kúndiz Almaty, Pavlodar oblystarynda jel 15-20 m/s kúsheıedi.
Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda túnde keı jerlerde 3 gradýs úsik kútiledi.
Aqmola, Qaraǵandy, Shyǵys Qazaqstan oblystarynda óte joǵary órt qaýipi saqtalady.