Ol buǵan deıin de bir kezde «Aqtóbeniń» tizginin ustap, munda óziniń aıshyqty izi men qarymdy qoltańbasyn qaldyra bilgen. Sondyqtan da aqtóbelik fýtbol janashyrlary bilikti reseılik fýtbol mamanynyń qaıta oralǵanyn jyly yqylaspen qabyldady. «Aqtóbeniń» jańa bas jattyqtyrýshysy Vladımır Mýhanov «Egemen Qazaqstan» tilshisine aldaǵy josparlaryn aıtyp berdi. «Taıaýdaǵy basty mindetim, ári basty paryzym Qazaqstan chempıonatynda «Aqtóbeniń» aldyńǵy pozısııalardyń birine ıek artýyna kúsh-qaıratym men buǵan deıingi is-tájirıbemdi jumsaý. Osy arqyly «Aqtóbeden» kóńili qala bastaǵan jankúıerlerdiń senimin qaıtadan ornyqtyrý», – dedi ol. Degenmen, bir bulǵap qalǵanda bári ózgerip shyǵa keletin sıqyrshynyń taıaǵy joq ekenin aıta kelip, birinshi kezekte komandanyń ornyqty oıyn órnegin kórsetýine múddeli bolyp otyrǵanyn alǵa tartty. Bas jattyqtyrýshynyń oıynsha, dál qazirgi kúni maýsym qorytyndysy boıynsha «Aqtóbeniń» alatyn naqty orny birinshi kezekte turǵan joq. Onyń búgingi maqsaty – komandanyń tek ózine ǵana tán bet-beınesi men buǵan deıingi el-jurt bile qalǵan qoltańbasyn ornyqtyrý eken. Endeshe, iske sát demekpiz! Temir Qusaıyn, «Egemen Qazaqstan». AQTО́BE
Búgingi kúni elimizdegi fýtbol komandalarynyń arasynda eń sońynda júrgen «Aqtóbe» fýtbol klýbyna jańa bas jattyqtyrýshy taǵaıyndaldy. Ol – Vladımır Mýhanov.