«Batyr mall» saýda jáne oıyn-saýyq ortalyǵynyń alańyna jınalǵan jastar buryn qalalyq saıabaqtarda dombyra tartyp, jurtty tańǵaldyryp júrgen-di. Bul jolǵy sharaǵa óner adamdary, dombyrashylar, dombyrany jańa úırenip júrgen jastar keldi. Kesh boıy kúmbirlegen qazaq kúıleri oryndaldy. Kúıshilerdiń arasynda Qurmanǵazy atyndaǵy №1 balalar mýzykalyq mektebiniń muǵalimi Berik Qojambaev, shákirti Aıdana Álkenova, telejúrgizýish Qýandyq Tanabas «Adaı», «Balbyraýyn» kúılerin oryndap berdi. Qýandyq 5 jasynan bastap kúı úırengen. Anasy Farıda ulynyń talabyn baıqap, balalar mýzyka mektebine bergen eken. Dalada kúı oınaý arqyly kishkentaılardyń, jastardyń ulttyq ónerge, dombyraǵa degen qyzyǵýshylyqtaryn oıatady. Dombyra-party ulttyq aspaptyń mártebesin osylaı erkesheleýde. Al, jalpy «Naızatas» jýrnaly óńirdegi qazaq-orys tilderinde shyǵatyn ádebı-kórkem, qoǵamdyq-saıası basylym. Eki aıda bir ret shyǵatyn jýrnaldyń mazmuny aıshyqty. «Maqsaty óńirdegi qalamgerlerge múmkindik berip, qazaq ádebıetiniń ótkenimen búginine úles qosý», – deıdi jýrnaldyń bas redaktory, jazýshy Ǵalymbek Jumatov. Farıda Byqaı «Egemen Qazaqstan» Pavlodar oblysy
Pavlodarda «Naızatas» jýrnalynyń 5 jyldyǵyna oraı «Dombyra-party» sharasy ótkizildi.