«Álemdik tájirıbege súıensek, Qazaqstanda advokatýra ınstıtýtyn damytý úshin «Probono» júıesin engizý qajet. Al ony engizý úshin advokattardy azamattarǵa zańgerlik kómekti jylyna tıisti saǵattar kóleminde bıýdjettik óteýsiz kórsetýge mindetteý qajet. Sonymen qatar, qorǵaýshy toqsan saıyn alqaǵa atalǵan kómekti kórsetý boıynsha esebin tanystyrýy tıis», dedi mınıstr Májilistegi Úkimet saǵatynda.
Onyń atap ótýinshe, «Probono» júıesi halyqtyń áleýmettik álsiz tobyna aqysyz zańgerlik kómekti qamtamasyz etý qadamyn eskeredi.
«Azamattardyń zańgerdi tańdaý kezinde bul júıe eń mańyzdy ólshem bolyp esepteledi. «Probono» aıasyndaǵy sapaly jumys zańgerge senimdi arttyrady jáne ol úshin tabystylyqtyń salmaqty nyshany bolady», deıdi Beketaev.
Budan buryn habarlanǵandaı, mınıstr Qazaqstanda qorǵaýshylar jetispeıtindigin jáne olardyń qyzmetiniń quny azamattar úshin tym qymbat ekenin aıtqan bolatyn.