Eńbek naryǵyn túrlendirý týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlmıra Qalmuratova baıandady. Joba 8 baǵyttan turady. Olar aımaq ekonomıkasynyń ártaraptanýy jáne adamı resýrstardyń básekege qabilettiligin arttyrý, «Aqtaý teńiz porty» AEA, ındýstrıaldy aımaqtyń tıimdi damýy, ınforaqurylymnyń básekege qabilettiligi, munaı-gaz salasyndaǵy jumys kúshiniń óńdeýshi jáne qurylys salasyna ótýi, aýyl sharýashylyǵy damýy úshin áleýetti paıdalaný, qoǵamdyq sanany túrlendirý, eńbek naryǵyndaǵy naqty suranysqa saı kadrlar daıyndaý júıesin jańǵyrtý, qurylys ındýstrııasyn damytý, eńbek resýrstarynyń aımaq ishilik jáne aımaqaralyq tutastyǵyn arttyrý.
- Búgingi kúnniń ózinde aımaq ishinde Aqtaý qalasy, Túpqaraǵan jáne Qaraqııa aýdandary ósý núktelerine kóshý esebinen birqalypty ornalastyrýdy qamtamasyz etý boıynsha aldyn-alý sharalaryn qabyldaý kerek. 8 blok bizdiń barlyq áleýmettik-ekonomıkalyq múmkindigimizdi qamtamasyz etedi. Sondaı-aq birqatar usynystar da bar. Mysalǵa, «Aqtaý teńiz porty» AEA deńgeıin logıstıkalyq dep ózgertý kerek. Bul aımaq aýmaǵyndaǵy logıstıkanyń damý qozǵalysyn beredi. Sonymen birge, ındýstrıalandyrý aımaǵy bazasynda kadrlar daıyndaýǵa, jastarmen kásibı baǵdarlaý jumysyn júrgizýge múmkindik beretin Daǵdylar men biliktilikti damytý ortalyǵyn qurýdy usynamyz. Sonymen qatar, Mańǵystaý ekonomıkalyq keńesiniń jumysyn jańartý, bilim berýdiń jańa úlgisin qamtamasyz etetin bilim berý ortasyn kásiptendirýdi ótkizý kerek, - dep atap ótti Gúlmıra Qalmuratova.
Oblystyq ekonomıka jáne bıýdjettik josparlaý basqarmasynyń basshysy Halıla Nurǵalıeva eńbek naryǵyn túrlendirýge baǵyttalǵan Mańǵystaý oblysynyń damý tujyrymdamasyn usyndy.
- Taıaý 2-3 jyldyqta qarjylandyrýdyń barlyq kózderi esebinen jalpy quny 21,5 trln.teńgeden astam jáne 22,7 myń jumys orny qurylatyn 524-ten astam jobany júzege asyrý josparlanýda. Onyń ishinde óńdeýshi ónerkásipte 131 jobany, kólik jáne logıstıka salasynda – 68 jobany, týrıstik salada - 46 jobany, aýyl sharýashylyǵynda – 16 asam jobany iske asyrý josparlanýda. Árbir qala jáne aýdan boıynsha keleshektegi baǵyttar aıqyldaldy. Taıaý jyldardaǵy basty damý núktesi bolyp Aqtaý qalasy, Quryq selosy, Fort-Shevchenko qalasy belgilendi, dedi ol.
- Maǵan máseleni sheshý joldary, basshylary ózderińiz bolyp tabylatyn naqty jobalar kerek. Árbir blok boıynsha is-qımyldyń barlyq mehanızmi, jobalary, áleýeti, jumys orny jazylyp kórsetilýi tıis. Mysalǵa, agroónerkásip keshenin alyp, onyń barlyq áleýetin kórsetemiz. AО́K úlesiniń ishki údemeli óniminiń kólemi nóldik máninde 0,5% bolady. Aýyl sharýashylyǵyn jandandyrý máselesin sheshý úshin bizge ne qajet? Uńǵymaǵa qarajat kerek pe? Mal basyn kóbeıtýge qarjylandyrý qajet pe? Osy máselelerdi jáne ony sheshý joldaryn kórsetýlerińiz kerek. Barlyq qala jáne aýdan ákimderine bekinistik aýylsharýashylyq kooperatıvterin ashýdy tapsyramyn, - dep atap ótti Mańǵystaý oblysynyń ákimi E. Toǵjanov.
Sonymen qatar, oblystaǵy týrızmniń damý, aqparattyq-týrıstik ortalyq qurý máselesi talqylandy. Aımaq basshysy týrızm basqarmasyna quramy kıeli jerler, teńiz, saýyqtyrý jáne balalar týrızminen turatyn týrıstik áleýettiń damýy keshendi tujyrymdamasyn jasaqtaý jóninde tapsyrma berdi.
Sondaı-aq, QR Prezıdenti janyndaǵy Memlekettik basqarý akademııasynyń vıse-rektory Altaır Ahmetov memlekettik qyzmetkerler úshin Akademııada bilim alý múmkindiginiń tanystyrylymyn ótkizdi.
Jıynǵa qatysýshylarmen Úkimet tapsyrmasynyń ýaqytyly oryndalý máselesi, oblys ákimdigi birqatar qaýlylarynyń jobalary qarastyryldy.
Gúlaıym ShYNTEMIRQYZY,
«Egemen Qazaqstan».
AQTAÝ