Aıta keteıik, bir rettik qupııasóz arqyly beriletin alǵashqy qyzmet bıylǵy jyldyń sáýir aıynda iske qosylǵan sottalmaýy (sottalýy) týraly anyqtama edi. 20 qyzmettiń 15-i bir rettik qupııasózdi paıdalaný arqyly qoljetimdi bolsa, qalǵan 5 qyzmet úshin portalda tirkelý jetkilikti.
Bir rettik qupııa sóz arqyly myna qyzmetter qoljetimdi: Memlekettik organdar kelesi qyzmetterdi iriktep alǵan: múliktiń bolmaýy (bolýy) týraly anyqtama, jyljymaıtyn múlikti tirkeý jáne quqyqtyń aıaqtalýy týraly jeke tulǵalarǵa anyqtama berý, jyljymaıtyn múlikke tirkelgen quqyqtar (tyıymdar) jáne onyń tehnıkalyq sıpattamasy týraly anyqtama, jyljymaıtyn múliktiń tehnıkalyq pasportyn alý, azamattyq hal aktilerin qaıta alý jáne tirkeý jáne t.b.
Bir rettik qupııasóz degenimiz azamat belgili bir qyzmetti alý úshin suraý salǵan kezde sms arqyly uıaly telefonǵa keletin habarlama. Suraý salýshynyń telefonyna kelgen tekserýshi qupııasózdi (kod) eGov.kz portalynda engizý qajet. Osy kezde paıdalanýshynyń nómiri mobıldik azamattar bazasynda tekserilip, bazadaǵy nómirmen sáıkestigi rastalyp, suraý salǵan qyzmetke birden jaýap beriledi. Mobıldik azamattar bazasynda tirkelý úshin portalda «Jeke kabınetke» kirip «telefon» degen baǵanda uıaly telefonnyń nómirin kórsetý qajet. Budan bólek, JSN-ǵa telefon nómirin tirkeý úshin «Azamattarǵa arnalǵan úkimet» memlekettik korporasııasynyń front-keńselerine barýǵa bolady.
Myna qyzmet túrlerine avtorızasııa kerek: Otandastar dárigerdi úıge shaqyrý, dárigerdiń qabyldaýyna jazylý, medısınalyq uıymǵa tirkeýge turý sııaqty qyzmetterdi elektrondy sıfrlyq qoltańbasyz paıdalanýǵa bolady. Bul jerde medısınalyq uıymǵa tirkelgender ǵana úıge dárigerdi shaqyra alatynyn eskerý qajet. Sonymen qatar, áskerı qyzmetin ótkerýdi rastaý týraly anyqtama men jeńildikteri bar adamdarǵa (Uly Otan soǵysyna qatysýshylarǵa, Chernobyl AES-gi apatty joıýshylarǵa) anyqtamalar berý qyzmmetteri qoljetimdi bolmaq. «Memlekettik qyzmetterdi jeńildetý jumystary proaktıvti memleketti damytýǵa baǵyttalǵan. Iаǵnı, azamattardyń qatysýynsyz beriletin qyzmetter sany únemi kóbeıetin bolady.