Sherýge oblystyń 73 mektebinen 4500 bala qatysty. Ár aýdannyń aýyldarynan, qalalyq mektepterden 100 oqýshydan keldi. Uıymdastyrýshylardyń aıtýynsha, bul sharany ótkizýge jergilikti bıýdjetten 65,1 mıllıon teńge bólindi. Sondaı-aq, «Samruk-Kazyna Trust» kompanııasy 49 mıllıon 950 myń teńge demeýshilik kómek kórsetipti.
Úrmeli orkestrler ujymy, ár ulttyń ishekti aspaptary, barabanshylar, marjoret, cherlıder baǵany, bı jáne hor ujymdary birlesip oryndaldy. Qyzyqty repertýarlar kórsetildi, ártúrli mýzykalyq aspaptarda án aıtyldy. Kishkentaı kórermender oıyndar men oıynshyqtar patshalyǵynda «Volshebnye sekrety veselogo leta» atty qýyrshaqtar balyn tamashalady.
Ertis ózeni jaǵasyndaǵy ortalyq sahnada balabaqsha tárbıelenýshileri, «Búldirshin» oblystyq konkýrsy laýreattarynyń konserti ótti. Kishkentaılardy jaǵalaýda ashylǵan «Kórkemdik sheberhana» erikti sýretshiler sheberhanasy, «Kishkentaı hanshaıym» sulýlyq salony, «Solnechnaıa karýsel» attraksıondar qalashyǵy, «Shattyq» alańy sııaqty kóńildi oıyndar men konkýrstar, anımatorlar qarsy aldy.
Oblys ortalyǵyndaǵy Oqýshylar saraıynyń - «Anastasııa», «Bleız», «Vdohnovenıe», «Splash» úlgili bı stýdııasy; «Jas dáýren», «Mýzykalnyı kvartal», «Svet zvezdy», «Debıýt» vokal stýdııalary, «Arman-shoý» teatr-stýdııasy, «Jas ekpin» dombyra ansambili, «JasUlan» balalar-jasóspirimder uıymynyń kóshbasshylary, jas eriktiler, KVN oıynshylary án salyp, bı bılep, túrli oıyndar kórsetip belsendi qatysty.
Farıda Byqaı,
«Egemen Qazaqstan