Jańa tehnologııa jemisin jegizýde

Biraq, keıingi jyldary Maqtaaral burynǵy sáninen aıyrylǵan, óńi taı­ǵan jasamys qyzǵa uqsap júr. Maqta baıaǵydaı kól-kó­sir paıda bermeı qaldy. Maq­ta jaqsy shyqqan jyldary Lıverpýl bırjasynyń qabaǵy kelispeı qalady. Jyl saıyn soryn shaıyp, bir daqyldy ege bergennen keıin jer jaryqtyqtyń da dińkesi quryp boldyrady. Jyl saıyn tógiletin ýly selıtra al­qy­mynan alyp, erkin demaldyrmaıdy. Maqtadan kóńili qalǵan kóptegen dıqandar baý-baq­sha, kókónis ónimderine óte bas­taǵan. Áıteýir, qaraketsiz emes. Degenmen, agrotehnıkalyq talaptardy jaqsy saqtasań aq maqta áli de aýzyńnan aq maı aǵyzady. Ony bes jyldan beri jańa tehnologııamen shıtti maqta egip kele jatqan Shardara aýdany Jaýshyqum aýylyndaǵy «Iirjar-agro» seriktestiginiń jumysynan baıqadyq. «Iirjar» serik­testiginiń atqarýshy dırek­tory B.Qambarov jańa tehno­logııanyń arqasynda ótken jyly ár gektardan 51 sentnerden maqta alǵandaryn aıtady. Bul búgingi kezeńdermen salystyrǵanda rekordtyq kórsetkish. Jańa tehnologııanyń paıdasy, bir ózi birneshe fýnk­sııalardy atqara alatyn tehnıka shıtti tuqymyn shahmat júrisindeı ádispen topyraqqa birkeli tastap, tamshylatyp sýarý shlangalaryn qosa kómip, ústinen plenka jaýyp ótedi. Sonda jer astyndaǵy shıtti maq­ta ósip-ónýi úshin sýyq qor­qynyshty emes, kún jylýyn saqtaıtyn qorǵanyshy bar. Al tamshylatyp sýa­rý­dyń paıdasy maqtaǵa kerek­ti tyńaıtqyshtardy mól­sheri­men beredi. Osyndaı ádis­tiń arqasynda qoza kósegi túgeldeı ashylyp, paıdany eselep beredi. Byltyr «Iirjarlyqtar» 240 gektar jerge shıtti maq­ta ekse, bıyl 300 gektarǵa jetkizdi. B.Qambarov alqapqa joǵary surypty «2747» maqta daqyly men tań­daýly qytaı sur­pyn egil­gendigin aıtady. Ár gek­tarǵa 270-280 teńge ara­ly­ǵynda shyǵyn jumsal­ǵanymen kúzde paıdany áldeneshe eselep alatyn­dyqtaryna senimdi. Bıyl Shardara aýdanynda 59 myń 300 gektar jer kóktemgi dala jumystaryna daıyndalsa, sonyń 14 myńyna shıtti maqta egilmek. Árıne, jańa tehnologııa jetistikteriniń jemi­sin jeý árbir dıqanǵa ar­man. Jalǵyzdyń qoly qys­qa. Sondyqtan, kooperasııa júıe­sine kóńil bólinip jatyr. 

Baqtııar TAIJAN, «Egemen Qazaqstan»

Ońtústik Qazaqstan oblysy