Jańa redaksııa Qazaqstan Respýblıkasy Ulttyq Banki Basqarmasynyń 2017 jyldyń 27 naýryzyndaǵy № 54 qaýlysymen bekitilgen, sondaı-aq 2017 jyldyń 1 maýsymynan bastap qoldanysqa engiziletin, Emıtentter men olardyń, qor bırjasynda aınalysqa jiberiletin (jiberilgen) baǵaly qaǵazdaryna, sondaı-aq qor bırjasynyń tiziminiń keıbir sanattaryna qoıylatyn talaptarynyń jańa redaksııasyna sáıkes ázirlendi.
"Atalmysh qaýlyǵa sáıkes kórsetilgen kúnnen bastap Bırjanyń resmı tiziminiń qurylymy úsh saýda-sattyq alańyna bólinedi, olar – "Negizgi", "Balamaly" jáne "Aralas", sondaı-aq kórsetilgen tizimge engizý jáne osynda bolý úshin ornatylǵan lıstıngilik talaptar da ózgeredi", – dedi KASE Basqarmasy Tóraıymynyń orynbasary Natalıa Horoshevskaıa.
KASE resmı tiziminiń jańa qurylymynyń negizine kishigirim jáne ortasha kompanııalardyń baǵaly qaǵazdary úshin jeke saýda-sattyq alańyn bólý, sondaı-aq osy kompanııalar úshin tek zańnamada belgilengen shekterde ǵana aqparattar ashý boıynsha talaptar qoıýdyń halyqaralyq tájirıbesi alynǵan. KASE osyndaı kompanııalar úshin qosymsha birjolǵy "kirý" (ótinishti qaraý úshin jáne kirý alymdary) lıstıngilik alymdardyń mólsherin azaıtty.
KASE resmı tizimin úsh saýda-sattyq alańyna bólý mynadaı maqsattardy kózdeıdi:
1) ınvestorlardyń, emıtentterdiń jáne basqa da múddeli tulǵalardyń barlyq sanattary úshin resmı tizimniń aıqynyraq, yńǵaılyraq ári túsinikti qurylym jasaý;
2) jańa emıtentter men ınvestorlardy tartý boıynsha tıimdirek strategııasy;
3) ár saýda-sattyq alańy úshin, emıtentterdiń ár naqty tobynyń muqtajy men múmkinshiligine jáne ınvestorlardyń keıbir toptarynyń múddesine baǵyttalatyn, jańa qarjy quraldaryn ázirleý jáne engizý.
Osyǵan baılanysty, Bırjanyń resmı tiziminde turǵan baǵaly qaǵazdar, qaýlymen jáne Lıstıngilik erejelerdiń jańa redaksııasymen bekitilgen talaptar údesinen shyǵa otyryp, jańa sanattar jáne/nemese sektorlar boıynsha bólinedi.
KASE resmı tiziminiń jańa qurylymyna sáıkes baǵaly qaǵazdar men olardyń emıtentteriniń Lıstıngilik talaptarǵa sáıkestigi kelesideı.
"Negizgi" saýda-sattyq alańy:
1) segiz emıtenttiń 10 ataýdaǵy aksııalary "Aksııalar" sektorynyń "Premıým" sanaty úshin belgilengen Lıstıngilik talaptarǵa saı;
2) 52 emıtenttiń 65 ataýdaǵy aksııalary "Aksııalar" sektorynyń "Standart" sanaty úshin belgilengen Lıstıngilik talaptarǵa saı;
3) 51 emıtenttiń 242 ataýdaǵy oblıgasııalary "Boryshtyq baǵaly qaǵazdar" sektorynyń "Oblıgasııalar" sanaty úshin belgilengen Lıstıngilik talaptarǵa saı;
4) úsh emıtenttiń úsh ataýdaǵy oblıgasııalary "Boryshtyq baǵaly qaǵazdar" sektorynyń "Kommersııalyq oblıgasııalar" sanaty úshin belgilengen Lıstıngilik talaptarǵa saı.
"Balamaly" saýda-sattyq alańy:
1) 40 emıtenttiń 43 ataýdaǵy aksııalary "Aksııalar" sektory úshin belgilengen Lıstıngilik talaptarǵa saı;
2) 15 emıtenttiń 18 ataýdaǵy aksııalary "Boryshtyq baǵaly qaǵazdar" sektorynyń "Oblıgasııalar" sanaty úshin belgilengen Lıstıngilik talaptarǵa saı.
"Aralas" saýda-sattyq alańy:
1) úsh emıtenttiń tórt ataýdaǵy aksııalary "Investısııalyq qorlardyń baǵaly qaǵazdary" sektory úshin belgilengen Lıstıngilik talaptaryna saı;
2) bir emıtenttiń alty ataýdaǵy oblıgasııalary "Halyqaralyq qarjy uıymdarynyń baǵaly qaǵazdary" sektory úshin belgilengen Lıstıngilik talaptaryna saı;
3) osy sektorǵa 2017 jyldyń 31 mamyry kúniniń sońynda Bırjanyń resmı tiziminde "Memlekettik baǵaly qaǵazdar" sektorynda turǵan barlyq baǵaly qaǵazdar aýystyrylady.
Aınash Esalı,
«Egemen Qazaqstan».
Almaty