Bul shara oqýshylardyń jazǵy demalysyn mazmundy túrde uıymdastyrý máselesi aıasynda iske asqaly tur. Halyqaralyq kórmeniń jaz aılaryna, ıaǵnı mektep oqýshylarynyń jazǵy kanıkýly kezine sáıkes kelýi oǵan oblys jetkinshekterin neǵurlym kóbirek jiberýge múmkindik beredi, dedi egemen.kz tilshisine Aqtóbe oblystyq bilim basqarmasynyń basshysy Sáýle О́mirbekova. Onyń aıtýynsha aımaqtaǵy on alty myń oqýshy halyqaralyq «EKSPO - 2017» kórmesine attanyp, tańdaı qaqtyryp, kóz qyzyqtyratyn keremetterdi tamashalamaq. Onyń ishinde úsh myńy áleýmettik jaǵdaıy tómen jáne az qamtylǵan otbasy balalary olarǵa EKSPO bıletteri tegin, jergilikti qarajat kózderi esebinen tólengen. Bul iske óńirdegi qaıyrymdylyq qorlary men bıznes ókilderiniń qosqan úlesteri de qomaqty.
Temir Qusaıyn, «Egemen Qazaqstan»
Aqtóbe