Jumys jandana túsedi

Úılestirý keńesi – memleket pen ÚEU-nyń turaqty jumys jasaıtyn únqatysý alańy. ÚEU-men ózara is-qımyl boıynsha tıimdi qyzmettiń basymdyqtaryn jáne júıeli saıasatty qalyptastyrý – keńestiń negizgi maqsaty.  Jıynda sóz sóılegen Nurlan Ermek­baevtyń aıtýynsha, ýáki­let­ti organ retinde mınıstr­lik ÚEU salasyndaǵy zańnamany jetildirý boıynsha turaqty negizde jumys júrgizýde. Máse­len, búgingi tańda mem­leket­tik áleý­mettik tapsyrys­ty qa­lyp­tas­tyrý men baǵalaýda jańa tásil­derdi usynatyn zań joba­sy Parlament Májilisiniń tal­qy­­la­ýyna jiberilgen. Bul zań joba­sy ÚEU-men birlesip ázir­len­gen eken. Budan bólek, mem­le­ket­tik organdardyń úkimettik emes sektormen ózara is-qımyl tájirıbesi de jetildirilýde. Máselen, mınıstrlik ortalyq jáne jergilikti memlekettik organdarǵa salalyq ÚEU-men júıeli kezdesýler uıym­das­tyrýdy usynyp otyr. «Mem­leket basshy­synyń tapsy­rma­syna sáıkes, azamattyq ınstı­týt­tarmen suhbat­tasýdy keńeıtýdiń jańa tásil­deri belgilendi. Mı­nıstr­lik bul baǵyt­taǵy jumys­tar­dy júıeli túrde atqarýda», – dedi N. Ermekbaev.  Vedomstvo basshysy, sondaı-aq, qoǵamdy alańdatatyn kókeıkes­ti máselelerge turaqty monı­to­rıng uıymdastyrylatynyn, memleket, ÚEU jáne kásipkerlik – úsh­jaq­ty áriptestigin damytý bo­ıynsha sharalar iske asyryla­ty­­n­yn jetkizdi. Máselen, ÚEU-men bir­ge alǵash ret «ASAR» forý­myn ótkizýge daıyndyq júrgizi­lip jatyr eken. Sonymen qatar, mańyzdy qoǵamdyq máseleler boıynsha ÚEU-men ekijaqty keńesý formaty engizilgen.  Din isteri jáne azamat­tyq qoǵam vıse-mınıstri Abzal Núkenov sońǵy jyldary mem­leket pen úkimettik emes uıymdar arasyndaǵy qarym-qatynas bir­qatar jańalyqpen tolyǵyp, jańasha qarqyn ala túskenin jetkizdi. «2016 jyldan bastap granttyq jobalardy iske asyrý tájirıbesi engizildi. 2017 jyly qarjylandyrý 3 esege, al jobalar sany 6 esege ulǵaıdy. Aıta keter­lik jaıt, granttardyń taqyryp­tary túrli sanattaǵy turǵyndar men úkimettik emes uıymdarǵa ar­naıy eseptelgen. Búgingi tańda 41 jobany iske asyrýǵa 8 óńirden 39 úkimettik emes uıym qatysýda. Qosymsha 19 jobaǵa konkýrs jarııalandy. Búgingi tańda ÚEU-men birlesip, granttardy berý erejesi jetildirilýde. Sonymen qatar, osy jyldan bastap eń tabysty jumys atqarǵan ÚEU-ǵa memlekettik syılyqaqyny tabystaý tájirıbesi engizilýde. Tıisti erejeler bizdiń ÚEU-men birlesip, jetildirilýde. Irikteý rásiminiń neǵurlym ashyqtyǵy men ádildigin qamtamasyz etý maqsatynda oǵan ÚEU ókilderi men táýelsiz sarapshylardy qatys­tyrý kózdelip otyr», – dedi A.Núkenov.  Úılestirý keńesiniń otyrysy barysynda, sonymen qatar, res­pýb­lıkalyq jáne óńirlik deń­geıdegi ÚEU-men ózara is-qımyl máse­leleri talqylandy. Qara­ǵan­­dy jáne Ońtústik Qazaq­stan ob­lys­taryndaǵy ÚEU-men óz­ara is-qımyl tájirıbesi qaras­tyryldy.  Kún tártibine sáıkes, Den­saý­lyq saqtaý vıse-mınıstri A.Soı, Eńbek jáne halyqty áleý­met­­tik qorǵaý vıse-mınıstri S.Jaqypova, Qaraǵandy oblysy ákimi­niń oryn­basary J.Ábishev, Oń­tús­tik Qazaqstan oblysy Ishki saıa­sat bas­qarmasynyń basshysy B.Tólegen, sondaı-aq, Úılestirý keńe­si­niń múshesi, «Azamattyq qoǵam­dy damytý qaýymdastyǵy» qoǵam­dyq birlestiginiń atqarýshy dırek­tory J.Asanova baıandama jasady.   Otyrys nátıjesinde atalǵan baǵyttaǵy jumystardy ári qaraı jetildirý boıynsha usynymdar ázirlendi. 

Láıla EDILQYZY, «Egemen Qazaqstan»