Kezdesý barysynda Qazaqstan Úkimeti men IýNIDO arasyndaǵy arnaıy kelisim aıasynda Memleket basshysy N.Nazarbaevtyń bes ınstıtýsıonaldyq reformalaryn, Qazaqstan ekonomıkasyn jedel tehnologııalyq jańǵyrtýdy, Indýstrıaldy-ınnovasııalyq damý memlekettik baǵdarlamasyn iske asyrýdaǵy yntymaqtastyq máseleleri talqylandy. Jyly shyraıly áńgimede Qazaqstannyń ónerkásiptik statıstıka, ónerkásiptik birigý jáne ónerkásiptiń qorshaǵan ortaǵa tıgizetin jaǵymsyz áserin tómendetý sekildi baǵyttarda IýNIDO-nyń óńirlik jobalaryna qatysýyn jalǵastyrý jaıy qaraldy.
Taraptar EKSPO-2017 kórmesi bazasynda Halyqaralyq «jasyl» tehnologııalar ortalyǵy men «Bolashaq energııasy» ınvestısııalyq jobalaryn qurý boıynsha birlesken jumystarǵa daıyndyq barysyn da talqylady.