«Bul topqa velosportty jaqsy kóretin sporttyń naǵyz jankúıerleri jınaldy. Bizdiń aramyzda zańger, býhgalterler, jattyqtyrýshylar, jýrnalıster bar. Biz kúnine qansha shaqyrym ótý kerektigin belgilegen joqpyz, bul saparymyz týrıstik joryq sanalady. Sondyqtan biz Astanaǵa jetýdiń bir naqty ýaqytyn belgilemeımiz, aramyzda qyzdar da bar, kúshimizge qaraı júrip otyramyz, jetsek boldy», deıdi joryqty uıymdastyrýshy Qaırat Tólebaev.
Velosıpedshiler toby tańerteń Lısakovtan shyqqan soń, tústen keıin saǵat 16.00-da 200 shaqyrymdy artqa tastap, Qostanaıǵa jetti. Astanaǵa deıin olar Áýlıekól, Esil, Atbasar, Astrahan baǵyttarynda júrip otyrady. Astanaǵa eki toqtap, EKSPO-ny aralaǵannan keıin, «Saryarqa» velotreginde álem velosportshylarymen kezdespek.
Názıra Járimbetova, «Egemen Qazaqstan»