Bul shara Ortalyq saılaý komıssııasynyń «2017 jylǵy 28 maýsymǵa taǵaıyndalǵan Qazaqstan Respýblıkasy Parlamenti Senatynyń depýtattaryn saılaýǵa halyqaralyq uıym men shet memleketterdiń baıqaýshylaryn akkredıtteý týraly» qaýlysynyń negizinde júzege asyryldy. Atalǵan qaýlyǵa sáıkes, Ortalyq saılaý komıssııasy Qazaqstan Respýblıkasy Syrtqy ister mınıstrliginiń usynýy boıynsha TMD-dan Baıqaýshylar mıssııasynyń quramynda 40 baıqaýshyny, shet memleketterden 14 baıqaýshyny akkredıttedi. Sonymen qatar, Syrtqy ister mınıstrligi 2017 jylǵy 1 maýsymdaǵy jaǵdaı boıynsha 15 memleketten, sondaı-aq, saılaýdy baıqaýǵa qatysa alatyn sheteldik BAQ-tardyń 116 ókilin akkredıttedi. Shet memleketter men halyqaralyq uıymdardyń baıqaýshylaryn akkredıtteýdi Ortsaılaýkom 2017 jylǵy 22 maýsymǵa deıin jalǵastyryp, júzege asyrady. Osy máseleler jóninde aıtqan sózinde Ortsaılaýkom múshesi M.Sársembaev saılaýdyń janama bolǵanyna qaramastan, saılaý naýqanyna degen qyzyǵýshylyqtyń joǵary ekenin atap kórsetti. Akkredıtteý prosesi jalǵasyp jatyr.
«Egemen-aqparat»