Atalmysh kómek aıasynda Windows 10 Pro jáne Windows 10 Enterprise operasııalyq júıeleri, Office Standard jáne Office Professional baǵdarlamalary, sondaı-aq, Qor qyzmetine arnalǵan basqa da baǵdarlamalar usynyldy. Kómek aıasynda berilgen baǵdarlamalyq ónimderdiń jalpy quny 200 myń AQSh dollarynan asady.
Microsoft usynǵan jańa baǵdarlamalyq jabdyqtama Qordyń IT-ınfraqurylymyn aıtarlyqtaı jańartyp, jetildirýge kómektesedi. Jáne Qor qyzmetkerleriniń jumys tıimdiligin arttyrýǵa múmkindik berip otyr. Microsoft-tyń lısenzııalyq baǵdarlamalyq ónimderi «SOS–Qazaqstannyń balalar aýyly» qorynyń ozyq aqparattyq tehnologııalarǵa qol jetkizip, oqytý úrdisin jetildirýine jaǵdaı jasaýda. Endi balalar sabaqtarǵa jaqsy daıyndalyp, kompıýterlik saýattylyǵyn kóterýge, al qaıyrymdylyq uıymynynyń qyzmetkerleri tárbıelenýshilerdiń oqý úlgerimin qadaǵalap, oqytý barysynda kórneki ádisterdi, tanystyrylymdar men beırolıkter syndy qosymsha materıaldardy qoldanýǵa múmkindik alyp otyr.
«Osyndaı zor kómekti usynyp otyrǵany úshin Microsoft kompanııasyna sheksiz alǵysymyzdy bildiremiz. Bizdiń tárbıelenýshilerimizdiń arasynda kompıýterlik tehnologııalarmen óte qyzyǵatyn balalar kóp. Al endi Microsoft arqasynda olardyń zamanaýı baǵdarlamalyq jabdyqtamada óz bilimderin damytýǵa múmkindigi bar. Mundaı syılyq, álbette, olardyń bolashaq mansabyna zor septigin tıgizbek», - deıdi «SOS – Qazaqstannyń balalar aýyly» qorynyń Ulttyq dırektory mindetin atqarýshy Dana Egeshbaeva.
«Baǵdarlamalyq jabdyqty qaıyrymdylyq retinde syıǵa tartý arqyly jastarǵa shabyt berip, olardyń eń zamanaýı tehnologııalar men sapaly bilimge qol jetkizýine, áleýetin damytýǵa kómektesýdi nıet tuttyq», - deıdi Microsoft-tyń TMD aımaǵyndaǵy PR jáne áleýmettik jaýapkershilik jónindegi dırektory Elena Mýhsınova.
Aınash Esalı,
«Egemen Qazaqstan».
Almaty