– Fazylbek aǵa, áńgimemizdi balalar fýtbol klýbyn qurýyńyzdan bastaıyqshy. Fýtbol salasynda kásipkerlikpen aınalysýyńyzǵa ne túrtki boldy?
– Aýla komandasyn qurý týraly oı birden kelgen joq. Eki jyl Japonııada turyp, elge kelgen sátte biraz qıynshylyqtar boldy. Biraq, soǵan qaramastan óz bıznesimdi bastaýǵa tyrystym. Keshkisin qatty sharshaısyń. Denemdegi kúızelisten arylý úshin sportpen júıeli túrde shuǵyldaný kerektigin túsindim. Kúnde, kúnara aýlaǵa shyǵyp dop tebýdi ádetke aınaldyrdym. Osylaısha, aýladaǵy balalarmen til tabysyp, dos bolyp ketkenimdi ózim de baıqamaı qaldym. Jaz mezgili taıap qalǵan shaq, balalar arasynda «Jazdy qalaı, qaıda ótkizemiz?»,- degen suraq paıda bola bastady. Al meniń balalardan, balalardyń menen ajyraǵysy kelmeıdi. Ǵalamtordy aqtaryp, aýla klýby týraly málimetke tap boldym. Sóıtip, aýladaǵy «dostarymmen» komanda qurdym. Alǵashynda klýbtyń atyn turǵylyqty jerimizge baılanysty «Aqmeshit» dep qoıǵan bolatynmyn. Keıinnen «Arlandarǵa» aýystyq. Mine, aýla komandasy osylaı quryldy.
– Aǵa, jaqyn arada Portýgalııanyń Braga qalasynda ótetin halyqaralyq «BragaCup» týrnırine qatysqaly jatyr ekensizder. Osy týrnırge shaqyrtý qalaı tústi?
– Klýb quryp, alǵa maqsat qoıǵan soń sheteldik týrnırlerge qatysqymyz keldi. Osy oıymdy qaǵazǵa túsirip, UEFA-ǵa ashyq hat jazdym. Olar hatymdy alyp, maǵan Portýgalııada ótetin jasóspirimderge arnalǵan «Braga Cup» jarysyna qatysýymyzdy usyndy. Ol týrnırdiń uıymdastyrýshylaryna da hat jazyp, jaǵdaıymyzdy túsindirdim. Naýryz aıynda jarysty uıymdastyrýshylar Bragadan Astanaǵa arnaıy ókilder kelip, ekijaqty dostyq-áriptestik týraly memorandýmǵa qol qoıdyq. Sóıtip, olar bizdi aldaǵy týrnırge áriptesteri retinde shaqyrdy.
– Shetelde UEFA aıasynda ótetin týrnırlerdiń basym kópshiligi aqyly ekenin bilemiz. Iаǵnı, ár qatysýshy belgili bir mólsherde jarna tóleýi kerek. Qatelespesem, bul týrnırde osy aqyly sanatqa jatady. Qarjy jaǵyn qalaı sheshtińizder?
– Durys aıtasyz. Eýropadaǵy kóp týrnırler aqyly túrde ótedi. Biz qatysqaly jatqan týrnır de aqyly. Ereje boıynsha ár balaǵa 130 eýro jarna tóleý kerek. Bul balalardyń baryp-qaıtý bıletinen, júrip-turý jáne iship-jeminen bólek aqsha. Biraq biz «Braga Cup» týrnırine tegin qatysýǵa múmkindik aldyq. Tek, baryp-qaıtý bıleti óz esebimizden. Al bizdi Portý qalasynan Bragaǵa jetkizý, jatyn oryn, qala boıynsha mádenı-tanymdyq ekskýrsııany jarys uıymdastyrýshylary óz moıynyna alyp otyr. Bul uıymdastyrýshylarynyń bizge jasap otyrǵan jeńildigi.
– Sizdermen áriptestik baılanys ornatqandardyń qatarynda Fransııanyń «Paris Kazakspor» klýby da bar eken. Ol jaqpen baılanystaryńyz qalaı?
– «Paris Kazakspor» klýbymen de bıyl memorandýmǵa qol qoıǵan bolatynbyz. Atalǵan klýbpen baılanys ornatý biz úshin óte mańyzdy. Sebebi, 1986 jyly qurylyp, búginde Fransııa lıgasynda oınaıtyn, «Parıj kýbogyn» birneshe márte jeńip alǵan tarıhy tereń komandamen áristestik qatynas ornatý aldaǵy ýaqytta bizge zor paıdasyn beredi dep oılaımyn. Sonymen qatar, qazir «Aıaks» (Nıderland), «Barselona» (Ispanııa), «Beshıktash» jáne «Galatasaraı» (Túrkııa) syndy klýbtardyń jastar quramasymen kelissóz júrgizip jatyrmyz.
– Sizderge memleket tarapynan qandaı da bir qoldaý kórsetilip jatyr ma? Qazaqstan fýtbol federasııasy tarapynan she?
– О́kinishke qaraı, qazir memleket tarapynan da, federasııa tarapynan da eshqandaı qolǵabys bolmaı tur. Degenmen, aldaǵy ýaqytta qoldaý bolady degen úmittemin.
– Klýbyńyz tek osy jarysqa qatysýmen shektelip qalmaıtyny anyq. Bolashaqta basqa da halyqaralyq týrnırlerge qatysýlaryńyz múmkin. Demeýshisiz qıyn bolmaı ma?
– Árıne, qazirgi tańda demeýshisiz qıyn. О́zim kómek kórsetip qalady-aý degen esikterdiń bárin qaǵyp kórdim. Esh nátıje joq. Eger, múmkindik bolsa demeýshi emes, shet eldiń birinen ınvestor izdegen durys sııaqty. Sebebi, demeýshi klýbqa quıǵan qarjysynyń qaıtatynyna senimdi bolǵanyn qalaıdy ǵoı.
– Komandańyzdyń bir ereksheligi, jattyǵýlaryńyz aǵylshyn tilinde ótedi eken. Bul ıdeıa qaıdan paıda boldy?
– Biz balalarǵa fýtboldy aǵylshyn tili arqyly úıretemiz. Sebebi, fýtboldyń otany men tili aǵylshyndardan bastaý alady. Mysaly, men «Manchester Sıtı» fýtbol klýbynyń jattyqtyrý metodıkasyn durys kóremin jáne sol boıynsha jumys isteımiz. Bir aıta keterligi, balalardy aǵylshyn tiliniń grammatıkasyna, jazýyna emes, tek aǵylshynsha sóıleý tiline baýlımyz. Tárbıelep jatqan shákirtterim bolashaqta Eýropalyq klýbtardyń baıqaýlaryn barady. Sol kezde til jaǵynan qıyndyq kórmeıdi.
– Fazylbek aǵa, qazirgi ýaqytta jattyǵýlaryńyzdy mektep alańynda ótkizip júrsizder. Bul ázirshe ýaqytsha qubylys ekeni anyq. Aldaǵy ýaqytta óz alańdaryńyzdy salý josparda bar ma?
– Árıne, josparda bar. Onsyz bolmaıdy. Úlken bolmasa da shaǵyn alańymyzdyń bolǵanyn qalaımyz. Qazir alań salyp berýge nıetti ınvestor izdeý ústindemin. Sondaı-aq, osy maqsatta arnaıy joba daıyndap jatyrmyn. Buıyrsa, jobamdy UEFA men sheteldik kompanııalardyń aldynda qorǵap, kelissóz júrgizip kóremin.
Áńgimelesken Shamken BAIYRBEK,
L. Gýmılev atyndaǵy EUÝ-diń stýdenti