Amerıkanyń Las-Vegas qalasynda jartylaı orta salmaqta WBA, IBF jáne WBO nusqalary boıynsha álem chempıony Andre Ýord (AQSh) pen reseılik burynǵy chempıon Sergeı Kovalev arasynda qarymta jekpe jek ótti.
Jekpe-jek bastalysymen amerıkalyq boksshy qorǵanys mánerinde óner kórsetip, qarymta shabýyl jasaýmen boldy. Sergeıge qaraǵanda jyldamyraq soqqy jasaı biletinin kórsetip, keı tustarda qarsylasyn qapy qaldyryp jatty. Bul tásil óz nátıjesin berip, 8-shi raýndta Kovalevti nokaýtqa túsirdi.
Eske sala keteıik, qos boksshy 2015 jyly qarasha aıynda kezdesip, reseılik boksshy bir ǵana upaımen (113-114) jeńilis tapqan edi jáne úsh birdeı beldiginen aıyrylǵan. Biraq Kovalev kezdesý aıaqtalysymen bul nátıjege kelispeıtinin aıtyp, birden Andre Ýordty qarymta kezdesýge shaqyrdy.
Olardyń birinshi kezdesýindegi kelisimsharttyń bir tarmaǵynda qarymta kezdesýge shaqyra alatyny týraly jazylǵan. Al bul joly ondaı kelisim joq.