Shaǵyn el, sheksiz energııa

Nıderland Koroldigi pavılonyn tanystyrýǵa arnalǵan press-týrda EKSPO-2017 kórmesindegi osy eldiń Bas komıs­sary Hans Drısser BAQ ókilderine pavılon jádigerlerin jan-jaqty tanys­tyrdy. «Bizdiń elimiz myńdaǵan jyldar boıy sýmen alysyp keledi. О́ıtkeni, Nıder­land teńiz deńgeıinen kóp tómen orna­las­qan. Soǵan baılanysty biz kórmedegi jádi­ger­lerimizde sý energııa­synyń, jel ener­gııasynyń, ásirese teńiz jeli energııasynyń qýatyn ashýǵa tyrys­tyq», dedi ol.  Gollandııa pavılonynyń jetekshisi Evelın Belldiń aıtýynsha, EKSPO-2017 kórmesine qatysýǵa daıyndyq bary­synda Nıderland Koroldiginiń syrt­qy ister mınıstrligi eldegi barlyq krea­tıvti kom­panııalar arasynda baıqaý  ótkiz­gen eken. Osy baıqaý barysynda Conspiracysinc agenttigi jeńimpaz bolyp tanylady. Korol­­­dik pavılonynyń jaraqtandyrýy óte qara­paıym jáne gollandyqtardyń oılaý qabileti men ómir súrý dástúrinen kóp maǵlumat beredi. Eldiń geografııalyq qonystanýy adamdar turmysy úshin qolaıly emes. Alaıda, gollandyqtar óz­deriniń ómir súrýge degen qulshynysy men izdenim­paz­dyǵynyń nátıjesinde asaý tabıǵat­ty ıgiligine jaratyp, álemdegi eń ınno­v­asııalyq elderdiń qatarynan kórine bildi. Gollandııa pavılony úsh zal­­dan turady. Osy zaldarǵa qoıyl­ǵan jádi­ger­ler gollandyqtardyń ekono­mı­kalyq jetis­tikterin barynsha pash etýge arnalǵan. Birinshi zalda el­diń ekonomıkalyq je­tis­tikteri, ınnovasııalyq tehnologııa­­lar boıynsha aqparattar kórinis tapsa, ekin­shi zal 3D beıne qondyrǵylar arqyly gollandtyq ónertapqyshtardyń oı­laý qabiletiniń deńgeıin kórsetýge umtyl­ǵan. Úshinshi ınteraktıvti pavılon bala­ma qýat kózderin ashýdaǵy eldiń búgin­gi jetistikterinen habar beredi. Máse­len, búginde Gollandııada óndiriletin ener­gııa­nyń 4,5 paıyzy jańǵyrmaly energııa kózderinen alynady. Bul elde, ásirese, teńiz jelin ıgilikke aınaldyrý úshin úlken jumystar atqarylǵan. Máselen, Westermeerwind jel stansasynyń 48 týrbınasy bar. Ol saǵatyna 500 Kv elektr qýatyn óndirip, 160 000 úıdi jylý jáne jaryqpen qamtamasyz etedi. Eldegi árbir úshinshi poıyz jel kúshimen óndirilgen elektr qýatymen júredi.  Nıderland Koroldigi Qazaqstan eko­nomıkasyna mol ınvestısııa sal­ǵan jetekshi memleketterdiń biri­nen sana­lady. Ulttyq bank dereginshe, 2005-2006 jyldary Nıderland elimizge 71,7 mlrd AQSh dollary kóleminde tikeleı ınves­tı­sııa quıǵan. Sonymen birge, bul el Qazaq­stannyń jetekshi saýda áriptesi bo­lyp tabylady. Búginde Qazaqstanda Nıder­land Koroldigi kapıtalynyń qaty­sýy­men 40-tan astam kásiporyn jumys isteıdi. EKSPO-2017 kórmesiniń aıasyn­da gollandııalyq bıznes ókilderi Qazaq­stan­daǵy balamaly qýat kózderin jańǵyrtý salasyndaǵy jańa tehnologııalar boıynsha birqatar jobalardy júzege asyrmaq. 

Toptamany ázirlegen  Jylqybaı JAǴYPARULY,  «Egemen Qazaqstan»