Maýsym aıy Qazaq eli úshin túrli oqıǵalarǵa toly boldy. Birinshi kezekte Qazaqstan men Ortalyq Azııada tuńǵysh ret EKSPO-2017 halyqaralyq kórmesiniń ótkizilýin atap kórsetken jón. Kórmeniń ashylý saltanaty asa joǵary deńgeıde uıymdastyrylǵanyn kórdik. Qazirgi kezde túrli elderdiń pavılondary ashylyp, bolashaqtyń energııasy planetamyzdyń keleshegin aıqyndaıtyn negizdegi jańalyqtarymen erekshelenedi. EKSPO qarsańynda halyqaralyq áýejaı jańǵyrtýdan ótti.
Astana áýejaıy elordanyń áýe qaqpasy ǵana emes, ol – Uly Jibek jolyna engizilgen ortaq joba, kólik-logıstıkalyq hab. Astana áýejaıynyń Elbasy atymen atalýy Prezıdentke degen qurmet jáne Astana men Qazaqstan ataýlaryn ımıdjdik turǵydan nyǵaıta túsýdiń jańa resýrstary da bolyp tabylady. Al álemdik tájirıbede mundaı mysaldar az emes. Qoryta aıtqanda, Nazarbaev – ulttyq maqtanyshymyz. Astana halyqaralyq áýejaıynyń ataýy berilýi joǵarydaǵy sózderimizdi tek qýattaı túsedi.
Zarema ShÁÝKENOVA, Prezıdent janyndaǵy Qazaqstan strategııalyq zertteýler ınstıtýtynyń (QSZI) dırektory, Ulttyq ǵylym akademııasynyń múshe-korrespondenti