Sharaǵa «Astana qalasynyń qylmystyq-atqarý júıesi departamenti» MM basshysy, ádilet polkovnıgi N. Rysbaev, «Astana qalasynyń Din Isteri jónindegi basqarmasy» MM basshysy D. Esın jáne Astana qalasynyń dinı birlestikteriniń ókilderi qatysty. Atalǵan sharanyń maqsaty: «Túzeý mekemelerindegi jazasyn óteýshiler arasynda dinaralyq tatýlyqty saqtaý, destrýktıvtik dinı aǵymdardyń taralyýynyń aldyn alý, teris aǵymdardyń zııandy tustaryn túsindirý jáne oǵan qarsy turatyn ımmýnıtet qalyptastyrý».
Shara barysynda kelgen qonaqtar túzeý mekemesiniń barlyq ǵımaratyn aralap kórip, ondaǵy jazasyn óteýshilerdiń jaǵdaılarymen, teologtyń, psıhologtyń t.s.s arnaıy maqsattaǵy kabınettermen tanysty.
Din isteri jónindegi basqarmasynyń basshysy Danııar Esın: «2011 jyly QR Dinı qyzmet jáne dinı birlestikter týraly» Zańy qabyldandy jáne sol Zańnyń aıasynda dinı birlestikter qaıta tirkeýden ótti, qazirgi tańda elimizde dinaralyq tatýlyqtyń kórkem úlgisi qalyptasqan, osyndaı tatýlyǵymyzdy árqashan basqalarǵa úlgi etýimiz qajet» dep atap ótti.
«Nur-Astana» ortalyq meshitiniń naıb ımamy Ádilhan Serikbaı: «Din – ol shynaıy qarym-qatynas. Sýdyń da suraýy bar demekshi biz árbir isimizge jaýap beremiz. Sondyqtan da meıli ózge din ókili bolsa da oǵan degen mámilemiz durys bolýy qajet. Islam dininde dinaralyq tatýlyqqa asa mán beredi. Din máselesinde tolyqtaı habardar bolmaıynsha, qarapaıym halqymyz ártúrli destrýktıvti dinı uıymdardan zardap shegýdi doǵarmasy anyq. Destrýktıvti aǵymdardyń keri áserinen elimizdiń turǵyndaryn qorǵap qalýdyń óte tıimdi ári nátıjeli joly – aqparattandyrý» dedi.
Rım-katolık shirkeýiniń epıskoby Tomash Petta Bernard «bul shara óte paıdaly ári ortaq úıimiz Qazaqstannyń bir bólshegi bolǵan Sizderdiń ýaqytsha úılerińiz, ıaǵnı osy mekemedegi jaǵdaılaryńyzben tolyqtaı tanystyq, osyndaı jaǵdaı týǵyzyp otyrǵan mekeme basshylyǵyna alǵysym sheksiz, budan bylaı jıirek kelip kezdesip turýǵa ýáde beremin» dedi.
Pravoslav shirkeýiniń ókili, Astana qalasynyń Serafım-Sarovskıı hramynyń arhımandrıty otes Ioasaf bul mekemege aı saıyn kelip jazasyn óteýshilermen kezdesip turatyndyǵyn, jáne kezdesý barysynda dinaralyq tatýlyqtyń mańyzdy faktor ekendigin árdaıym aıtatyndyǵyn jetkizdi.
Atalǵan, is-shara Astana qalasynyń ákimdigi janyndaǵy Dinı birlestiktermen baılanys jónindegi Keńestiń jumysy aıasynda uıymdastyrylyp, bolashaqta júıeli túrde ótkiziledi dep josparlanýda.