Qazir turǵyn-úı keshenderinde adamdar turyp jatyr, degenmen qurylys salýshylar baspanany paıdalanýǵa berý týraly ruqsat qujattaryn rásimdeý boıynsha jumysty aıaqtamaǵan.
Bul máseleniń sheshimi sozylyp ketýine baılanysty jaǵdaıdy Astana qalasy ákimdigi janyndaǵy turǵyn-úı qurylysyna úleskerlikpen qatysý jóninde vedomstvoaralyq komıssııa qatań baqylaýǵa aldy. Qazirgi ýaqytta QR Ishki ister mınıstrligi AQ-ǵa qatysty bóten múlikti jymqyrý faktisi boıynsha qylmystyq is qozǵady. Basshylyq qamaýǵa alyndy.
Atap ketken jón, vedomstvoaralyq komıssııa buǵan deıin nysandardy paıdalanýǵa berý úshin ruqsat qaǵazdaryn ázirleý boıynsha qujattardyń bolý kerektigin baspana salýshyǵa eskertken bolatyn. Úleskerlerge turǵyn-úı-qurylys kooperatıvterin quryp, qurylys-montajdaý jumystarynyń aıaqtalýyn esepke alýmen TQK paıdasyna nysandardy óteý boıynsha jumystardy atqarýǵa keńes berildi. Alaıda páter ıeleri jumystaryn aıaqtaýǵa qatysty áli kúnge deıin qandaı shara qabyldaý kerektigi jóninde bir naqty sheshimge kelmegen.