«Bizde daryndy boksshylar kóp. Máselen, Ashat Ýálıhanov, Madııar Ashkeev, Batyr Júkembaev, Janqosh Turarov, Meıirim Nursultanov jáne taǵy basqa sportshylar bar. Endi, olar týraly jıi estımiz ǵoı. Buqaralyq aqparat quraldary da atalǵan boksshylardyń jetistikteri jaıynda kóp jazady. Sosyn olardyń jeńiske degen qarqyny qatty. Sondyqtan dál osy jas boksshylardyń bolashaǵy zor. Bul jerde, eń bastysy, jaqsy bir promoýterdi tańdaı bilý kerek. Sebebi kásibı boksta kóp nárse promoýterge baılanysty», - dedi depýtat Sápıev QazAqparat tilshisine bergen suhbatynda.
Onyń aıtýynsha, eki-úsh jylda elimizdiń jas boksshylary ózderin jaqsy kórsete bilse, kásibı boksta tolaǵaı tabystarǵa jetýi ábden múmkin. «Shyny kerek, jat jerde júrip, jankúıerdiń qoldaýyna ıe bolý ońaı emes. Amerıkanyń ózinde ondaı jetistikke jetý qıynnyń qıyny», - dep atap kórsetti chempıon.