Jambyl aýdany Ekaterınovka aýylynyń bir turǵyny ormanda otyn daıyndap júrgende granatany keziktirip, tıisti oryndarǵa shuǵyl habar bergen.
Aýdandyq ishki ister bóliminiń jedel-tergeý toby oqıǵa bolǵan jerge sýyt jetip, tabylǵan metall zattyń Mılss granatasy ekenin anyqtaǵan.
Arnaıy mamandar ony qaýipsiz aımaqqa shyǵaryp, joıý úshin arnaıy polıgonǵa jóneltken. Olardyń aıtýlarynsha, osydan birneshe jyl buryn osy aýmaqtan balalar eski snarıadty keziktirgen. Soǵan qaraǵanda qyzyldar men aqtardyń ózara shaıqaskan azamat soǵysy jyldarynda qalyp qoıǵan jarylǵysh zattar bolýy múmkin degen joramal basym.
Osydan 4 jyl buryn Presnovka kentiniń bir turǵyny 37-shi kalıbrli mınometti polısııaǵa tapsyrǵan bolatyn. Ol qarýdyń uly Otan soǵysyna qatysqan atasynan qalǵan mura dep túsindirgenimen, qalaı kelgenin aıtyp bere almaǵan.
О́mir Esqalı,
«Egemen Qazaqstan».
Soltústik Qazaqstan oblysy