Ábden qolǵa jattyqqan ekzotıkalyq janýarlar men akrobattardyń ábjil qımyldary balalardy ǵana emes, úlkenderdi de tańdaı qaqtyrdy. Tájirıbeli ártisterdiń biri Natalıa Ýkola shyrqaý bıikte esh saqtandyrýsyz óner kórsetýge ábden daǵdylanǵan.
Qoıylymdarda mýltfılmder men kınolardaǵy keıipkerler de qamtylǵan. Solardyń biri boıy eki metrge jeteǵabyl qultemir-tıtan saıqymazaq ta, gımnast ta, jongler de bola ketedi. Ony somdaýshy Alekseı Shılınnyń aıtýynsha, tań qalarlyq qoıylymdar qoıýdy osy sırkte jumys istegen anasynan úırenipti.
Balaqaılar súıkimdi haıýanat-qonjyqtyń, jartqysh ań-jolbarystyń «ónerine» qaıta-qaıta qol soqty.
Eki jarym saǵatty quraıtyn baǵdarlama qyzyqtylyǵymen, mazmundylyǵymen erekshelenedi.
Sóz arasynda «baqytty» bıletke tap bolsańyz eki adamǵa arnalǵan Haınan aralyna joldama utyp alýyńyz ábden yqtıal ekenin aıta ketken jón.
Reseılik "Crand" sırkininiń gastroldik sapary 9 shildege deıin jalǵasady.
О́mir Esqalı,
«Egemen Qazaqstan».
Soltústik Qazaqstan oblysy.