AQSh Prezıdenti osy jahandyq sharanyń arqasynda Qazaqstannan jáne dúnıe júziniń túkpir-túkpirinen keletin mıllıondaǵan qonaqtar adam qııalynan nár alatyn tehnologııalyq ınnovasııa men 115-ten astam ulttyq pavılondarda kórinis tapqan tamasha áriptestik álemine kýá bolatynyn aıtqan.
«Amerıka Qurama Shtattary Astanadaǵy «EKSPO-2017» kórmesine qatysyp, Amerıkanyń energetıka, ǵylym jáne tehnologııa salalaryndaǵy úzdik jetistikterin, sondaı-aq san qyrly mádenıetimizdi kórsetýdi zor mártebe sanaıdy», – delingen hatta.
Sondaı-aq, D.Tramp AQSh pavılony ótken shırek ǵasyrda elderimiz nyǵaıta túsken strategııalyq seriktestiktiń mańyzdy nyshany bolyp sanalatynyn jáne onyń Qurama Shtattardyń aldaǵy ýaqytta da óńirdegi beıbitshilikti, turaqtylyq pen ósip-órkendeýdi qoldaýǵa degen nıetin bildiretinin atap ótti.
«Prezıdent myrza, «EKSPO-2017» kórmesi arqyly energetıkalyq qaýipsizdik máseleleri jónindegi jahandyq dıalogty odan ári ilgeriletýdegi Sizdiń kózqarasyńyz ben kóshbasshylyǵyńyz úshin Sizge jáne Qazaqstanǵa iltıpatymdy bildiremin. О́zara syılastyq pen ortaq múddege negizdelgen AQSh-Qazaqstan arasyndaǵy strategııalyq seriktestik odan ári nyǵaıa túsedi dep senemin», – delingen hatta.