Atalǵan shara aıasynda jazǵy transferde klýb sapyn tolyqtyrǵan eki jańa oıynshylary – Laslo Klıaınhaısler men Marın Tomasovty jankúıerlerge tanystyrý rásimin ótkizdi. Fýtbolshylardy komanda jankúıerlerine klýbtyń atqarýshy dırektory Qaısar Bekenov tanystyryp, resmı túrde sporttyq jeıdelerin tabystady.
29 jastaǵy horvatııalyq jartylaı qorǵaýshy Marın Tomasov «Astana» komandasyna horvatııanyń «Rıeka» komandasynan bir jyldyq jalǵa alý kelisimshartymen aýysqan bolatyn. Marın Horvatııa chempıonatynyń 2015/16 maýsymynda úzdik fýtbolshy atanǵan. Transfermarkt.de saıty Tomasovtyń transfer qunyn eki mıllıon eýroǵa baǵalaǵan.
Al 23 jastaǵy vengrııalyq jartylaı qorǵaýshy Laslo Klıaınhaısler «Astana» sapyna germanııalyq «Verder» komandasynan aýysyp keldi. Laslo da elordalyq klýb sapynda bir jyldyq kelisimshart negizinde dop tebetin bolady. Klıaınhaısler Vengrııa ulttyq quramasymen 13 oıyn ótkizip, bir gol soqqan. 2016 jyly ótken Eýro-2016 chempıonatynda ol Avstrııa quramasyna qarsy oıynda nátıjeli pas uzatyp, matchtyń úzdik oıynshysy atanǵan bolatyn. Laslo Klıaınhaısler ótken maýsymda germanııalyq «Darmshtadt» jáne Vengrııa chempıonatyndaǵy «Ferensvarosh» komandalarynda jalda oınaǵan.
Sonymen qatar, «Fýtbol astanasy» jobasy aıasynda tennısboldan qalalyq týrnır uıymdastyryldy. Kórermender arasynda vıktorınalyq suraqtar oınatylyp, frıstaılshylar saıysy ótti. Tennısbol týrnırinde jeńimpaz atanǵan, vıktorınalyq suraqtar men oıyndarǵa qatysqan jankúıerlerge «Astana» fýtbol klýbynyń atrıbýtkalarymen «Baldáýren» balalardy saýyqtyrý ortalyǵyna joldama tabystaldy.
Shara sońynda «Astana» komandasynyń qaqpashysy Nenad Erıch, qorǵaýshy Igor Shıtov, jartylaı qorǵaýshsy Srdjan Grahovas jáne klýbqa jańadan qosylǵan Laslo Klıaınhaısler men Marın Tomasov jankúıerlerge qoltańba berip, estelikke sýretke tústi.
«Astana» klýby erteń qala kúni qarsańyndaǵy merekelik kúntizbege engen Qazaqstan premer-lıgasynyń 20-týr aıasynda qyzylordalyq «Qaısar» klýbynmen oınaıdy.
Aıta keteıik, «Astana» 12-shilde kúni Chempıondar lıgasynyń ekinshi irikteý kezeńi aıasynda syrt alańda latvııalyq «Spartaks Iýrmala» komandasymen match ótkizedi.
Álı BITО́RE,
«Egemen Qazaqstan»