Saltanatty rásim eki eldiń memlekettik ánuranymen ashyldy. Odan keıin sóz alǵan Májilis Spıkeri jınalǵandardy Qytaı Ulttyq kúniniń ashylýymen quttyqtaı kelip, álem elderiniń Qazaqstanǵa degen senimi men qurmetiniń aıshyqty dáleline aınalǵan EKSPO kórmesin ótkizý Qazaqstannyń tuńǵysh Prezıdenti – Elbasy Nursultan Ábishuly Nazarbaevtyń halyqaralyq bedeliniń jáne ǵalamdy deńgeıde oılaıtyn kóregen saıasatynyń nátıjesi ekenin atap ótti.
- «Bolashaq energııasy» jáne «jasyl ekonomıka» tek birneshe memlekettiń ǵana emes, barsha adamzattyń damýy úshin óte mańyzdy, óte qajetti másele. Sondyqtan, bizdiń kórmemiz osy álemdik máselege óziniń zor úlesin qosady dep senemiz,-dedi N. Nyǵmatýlın.
Májilis Tóraǵasy atap ótkendeı, Prezıdenttiń bastamasymen elimizde belsendi júrgizilip jatqan energetıka salasyn jańǵyrtý jumystarynyń arqasynda Qazaqstanda qýaty 300 Megavatt bolatyn, jańartylatyn energııa óndiretin kásiporyndar sany 50-ge jetti. Aldaǵy 2050-shi jylǵa qaraı qajetti elektr qýatynyń teń jartysy osy jańartylatyn energııadan óndirilmek.
Oǵan EKSPO kórmesiniń de yqpaly zor. О́ıtkeni, bul jerde álemdik deńgeıdegi, bolashaǵy zor úzdik jobalar qoıylǵan.
Al, Qytaı eliniń ekspozısııasy osy kórmedegi eń iri jáne eń úlken jumystardyń biri. Atalǵan eldiń kórmege qatysýy – jańa tehnologııanyń damýyna jáne bizdiń elderimiz arasyndaǵy baılanysty odan ári tereńdetýge jol ashady.
Shen Iýe Iýe hanym Qytaı eliniń EKSPO kórmesine asa qyzyǵýshylyqpen mán berip, Ulttyq pavılondy daıyndaýǵa orasan kúsh jumsaǵanyn aıtty.
- Astana «EKSPO-2017» kórmesine qatysý arqyly biz Qytaı-Qazaqstan dostyq qarym-qatynastaryn nyǵaıtýǵa, eki el arasyndaǵy stratgeııalyq áriptestik jańa bıikterge jetkize alamyz dep úmittenimiz,-dedi.
Saltanatty rásimnen keıin eki eldiń Parlament ókilderi men meımandar Qazaqstannyń «Nur-álem», Qytaıdyń «Bolashaqtyń energııasy, Jasyl jibek joly» atty Ulttyq pavılondardy aralap, ınnovasııalyq jetistiktermen tanysty.