Onyń ishinde 5 sertıfıkat ıegeri otandyq jańa kólik satyp alý kezinde sertıfıkattaryn paıdalanǵan. Eski kólikterdi jeńildik sertıfıkaty boıynsha tapsyrýdan Qostanaı qalasy kósh bastap tur. Onda osy baǵdarlama boıynsha 5 kólik ótkizildi. Odan keıin ShQO 3 kólikti, Qyzylorda qalasy tozyǵy jetken 1 kólikti jeńildik sertıfıkatyna aıyrbastaǵan. Qazirgi tańda 1 avtobýs, 5 júk kóligi men 26 jeńil avtokólik joıýǵa tapsyrylǵan. Bul 1980-1993 jj. aralyǵynda shyqqan kólikter.
QR energetıka Mınıstrligi Tozyǵy jetken kólik quraldaryn joıý baǵdarlamasy boıynsha jańa kólikti jeńildik sertıfıkatymen satyp alýǵa tómendegi kvotany bólip otyr: M1 sanaty boıynsha (jeńil kólik) – 20 myń eski avtokólik M2, N1, N2 sanaty boıynsha(jolaýshylar jáne júk kóligi) – 1836 M3, N3 sanaty (jolaýshylar (5 tonnadan joǵary) jáne júk kólikteri (12 tonnadan joǵary) – 1164 kólik quraldary 26 maýsymynan bastap elimizde tozyǵy jetken kólikterdi tapsyrýshylarǵa jańa kólik satyp alýǵa jeńildik beriletin sertıfıkat baǵdarlamasy iske qosyldy. Jeńildik sertıfıkaty ataýly jáne ony ózgeniń atyna tirkeý eki retten artyq júrgizilmeıdi. Sondaı-aq ony qaıtaryp berýge jáne qolma qol aqshaǵa aýystyrylmaıdy. Sertıfıkat tirkelgen kúnnen bastap 12 aıǵa deıin jaramdy.
Tozyǵy jetken kólik quraldaryn joıý baǵdarlamasy otandyq parktiń jańarýyna, Qazaqstandyq avtoóndiristi yntalandyrýǵa jáne ýtılızasııa salasynyń ınfroqurylymyn qalyptastyrýǵa múmkindik beredi.