«Búginde elordamyz Qazaqstandaǵy saıası, mádenı jáne isker qalalardyń biri. Álem boıynsha da jas, tez damyp kele jatqan astanalardyń qatarynda. Elbasy Nursultan Nazarbaevtyń tapsyrmasy boıynsha qazir Astanany tabysty, jahandyq qalaǵa aınaldyrý boıynsha jumys jasap kelemiz», - dedi forýmdy ashqan qala basshysy. Sonymen qatar ol qalada súriletin eski úılerdiń ornyna ne salynatynyn aıtty.
«Biz eski úılerdi súre bastadyq jáne qalalyqtardan sol oryndardan ne kórgileri keletindigin suraǵan edik. Ádette ol jerlerge jańa úı salynatyn. Qalanyń eski bóliginiń turǵyndary shaǵyn saıabaq, shaǵyn gúlbaqtary, balalar alańdary men sporttyq qurylǵylardyń bolǵanyn qalaıdy eken. Biz atalǵan barlyq qajettilikterdi toptastyratyn qoǵamdyq keńistikter qura bastadyq», - dedi Áset Isekeshev.
Onyń aıtýynsha, bıyl súrilgen eski úılerdiń ornyna 19 saıabaq qurylysy bastalady. Onyń onynyń qurylysy osy jyly aıaqtalmaq.
Əset Isekeshev Seıfýllın kóshesiniń bas baǵyndaǵy memlekettik baǵdarlama arqyly salynǵan úılerdiń aýlasyna sporttyq balalar alańy salynǵanyn atap ótti. «Aqbulaq ózeniniń boıynda úlken shuńqyr bolǵan edi. Aǵymdaǵy jyly biz ony jaýyp, áp-ádemi saıabaq jasadyq. Turǵyndar rıza», - deı kele elorda ákimi basqa da məselelerge toqtaldy.
«Qazirgi ýaqytta mınıstrlikpen úlken pikirtalasymyz júrip jatyr. Biz keıbir zattardy toqtatý qajet nemese jańa sheshim tabý kerek dep sanaımyz. Máselen, lıftilerge qatysty buryndary qatań retteý bar bolatyn. Al qazir múldem rettelmeıdi. Bizde 50 kompanııa jumys isteıdi, onyń shaǵyn bóligi, múmkin 10-15 qajetti quziret pen mamandarǵa ıe. Al qalǵandarynda olar tolyq emes. Biz olardy shekteı de, teksere de almaımyz», - dedi qala basshysy.
Elorda ákimi lıft kompanııalaryn PIK-ter tańdaıtyndyǵyn, al PIK-terde sol úıdiń turǵyndary tańdap alatyndyǵyn aıtty. «Qazirgi ýaqytta bul máselege memlekettik esh qatysy joq. Turǵyndar PIK-ti, lıfti kompanııalaryn tańdap alady. Jaqsy tájirıbesi joq kompanııalarymen problema bar. Iаǵnı olardyń qyzmetteri turǵyndardyń kóńilinen shyqpaıdy», - dedi ol.
Forým barysynda Əset Isekeshev 34 əleýmettik standart əzirlengenin aıtty. «О́mir sapasy jaıynda aıtar bolsaq, biz 34 áleýmettik standart ázirledik. Olar qadamdyq qoljetimdilik ustanymy boıynsha anyqtalǵan. Bular saıabaqtar, sporttyq alańdar, emhanalar, ýchaskelik polısııa beketteri, dúkender men balabaqshalar. Biz 129 sektordan turatyn, 10 myńǵa deıin adamdy qamtıtyn baǵdarlama ázirledik. Olardyń barlyǵy da atalǵan standarttarmen qamtylýy tıis», - dedi ol.
Sonymen qatar elorda əkimi bıyl Astanada on myń beınekamera ornatylatynyn aıtty.
«Osy jyldyń sońyna deıin 10 myń beınekamera ornatylatyn bolady. Ázirshe olardyń sany eń mańyzdy oryndarda 3 myńdy quraıdy. Munan bólek 109 qyzmeti jumys istep tur. Turǵyndardy alańdatqan barlyq aqparattardy jınaqtap otyramyz. 5 aıdyń ishinde 300 myń habarlama men qońyraý kelip tústi. Biz olardy kún saıyn qaraımyz jáne qalanyń qaı aýdanynda turǵyndardy ne alańdatatyndyǵyn bilemiz. Máselen, 5 prosentin sýmen qamtýdaǵy irkilester, 10 prosentin qoǵamdyq kóliktegi jaǵdaılar alańdatady. Biz bul máselelerdi tez arada sheshýge kómektesemiz», - dedi Astana əkimi.
Sonymen qatar qala basshysy elordada salynyp jatqan botanıkalyq baq qurylysy jaıynda aıtty. «Botanıkalyq baq jobasy osy jyldyń qyrkúıek aıynda aıaqtalatyn bolady. Búginde negizinen jeke ınvestorlardyń esebinen júzege asyrylyp jatyr. Aýmaǵy 92 gektar. Ishinde 12 shaqyrym velesıpod joly, 13 shaqyrym júgirý jolaǵy jáne kóptegen sporttyq nysandar men balalar alańy bolady», - dedi ol.