EKSPO-2017 halyqaralyq kórmesiniń mıllıonynshy bıletin satyp alǵan kórermen – Ońtústik Qazaqstan oblysynyń turǵyny Qaırat Mamaev Astana kúni qarsańynda kórme qalashyǵyn aralady.
Shymkenttegi joǵary oqý oryndarynyń birinde ınnovasııalyq tehnologııalar jónindegi prorektor bolyp qyzmet atqaratyn Qaırat Mamaev sátti bıletti sáýir aıynda satyp alǵanyn aıtady. Astanaǵa arnaıy kelgen ol kórmedegi ınnovasııalyq jańalyqtar men ǵylymı izdenisterdiń áleýeti zor ekenin áńgimeledi. «Nur Álem» sferasy men sheteldik pavılondardyń zamanaýı jetistikteri meni, rasynda tańǵaldyrdy. Mıllıonynshy bıletti satyp alǵan kezde kórme ákimshiligi elordaǵa shaqyrtyp, qurmet kórsetti, baǵaly syılyqtar tapsyrdy», deıdi shymkenttik qonaq.