Nekelerin jańa qıǵan 40 jas jup EKSPO-2017 kórmesi qalashyǵyn aralady. Osylaısha, úlken ómirge qadam basqan jas otbasylar bul kúndi este qalatyndaı etip ótkizýge tyrysty.
Shara uıymdastyrýshysy Ryskúl Qaýǵabaevanyń aıtýynsha, jyl saıyn 50-ge jýyq jas jup Qazaqstannyń eń úlken Týy túbinde neke qııý rásimine qatysatyn. «Bıyl biz ol sharany ózgeshe etip ótkizýdi uıǵardyq. Jas jubaılardyń aldymen EKSPO-2017 kórmesin aralap shyqqanyn jón kórdik. Sebebi, mundaı jıyn elimizde, jalpy, Ortalyq Azııada alǵash ret uıymdastyrylýda. Olar bul kúndi eshqashan umytpaıdy», deıdi ol. Neke qııý rásimin toptap ótkizý sharasy 2007 jyldan beri ótip keledi. Osy ýaqytqa deıin jas jubaılardyń birazy atalǵan sharaǵa qatysty. Bir jylda 50 juptan qatysqan kezder de bolǵan.