Eki salmaq dárejesi boıynsha bokstan burynǵy álem chempıony Saýl "Kanelo" Alvares (49-1-1, 34 KO) qazaqstandyq Gennadıı Golovkınmen (37-0, 33 KO) qyrkúıekte ótetin jekpe-jekke daıyndyǵy týraly aıtyp berdi. Bul týraly vesti.kz habarlady.
Meksıkalyq boksshy jekpe-jekti nokaýtpen aıaqtaıtynyna senimdilik bildirdi.
«Únemi jattyǵyp, ózimdi qalypta ustaımyn. Daıyndyqqa aptasyna úsh-tórt ret baramyn. Al aldaǵy bir-eki aptadan keıin naǵyz daıyndyǵymdy bastaımyn. Barlyǵy nokaýt kórgisi keledi. Men de jeńiske solaı jetem degen oıdamyn. Bizdiń jekpe-jek nokaýtpen aıaqtalýy ábden múkin, sebebi biz qarsylastarymyzdy jıi nokaýtqa túsiremiz», deıdi «Kanelo».
Aıta keteıik, jekpe-jek 16 qyrkúıekte Las-Vegastaǵy 20 myń adam sııatyn T-Mobile arenasynda ótedi. Bul boks keshine bıletterdiń barlyǵy satylyp ketti. Al HBO arnasy jekpe-jekti aqyly translıasııa júıesi arqyly kórsetedi.