(Sýret Comode.kz saıtynan alyndy)
Jartylaı fınaldyń nátıjeleri boıynsha aqtyq saıysqa 14 qatysýshy joldama aldy, olar: «Astana Operanyń» solısti, kóptegen halyqaralyq baıqaýlardyń laýreaty, keremet soprano Marııa Mýdrıak (Qazaqstan), Rýpert Entıknap (kontrtenor, Ulybrıtanııa), Davıde Djýstı (tenor, Italııa), Sý Ion Lı; Sý Ion Pak (soprano), Leon Kım (barıton, Koreıa Respýblıkasy), Vlada Borovko, Krıstına Mhıtarıan, Oksana Sekerına (soprano, Reseı), Adela Zaharıa (soprano, Rýmynııa), Emmet O’Henlona (barıton, AQSh), Rýslana Koval (soprano, Ýkraına), Borıs Prıgl (bas-barıton, Chehııa), Levı Sekhapan (tenor, Ońtústik Afrıka).
Pepıta Embıl de Domıngo jáne aǵa-Plasıdo Domıngo syılyǵyna kúresti Damıan Mıssı (soprano), Marko Chaponı (tenor, Italııa), Leon Kım (barıton, Koreıa Respýblıkasy), Adela Zaharıa (soprano, Rýmynııa), Levı Sekhapan (tenor, Ońtústik Afrıka) jalǵastyratyn bolady.
29 shilde kúni jas ánshiler jeńiske degen kúresti jalǵastyrý úshin «Astana Opera» MOBT sahnasynda qaıtadan jolyǵady, olar úshin bul jeńis – daýystyń joǵary synamasynyń aıqyn belgisi ári keremet ánshilik mansaptyń bastamasy bolmaq. Jalpy júlde qory 180 myń dollardy quraıdy.
«Fınalǵa ótetin qatysýshylardy tańdaý qıynǵa soqty, kóp talqylap, baǵalaryn sanadyq, kóptegen pikirler boldy. Qatysýshylardyń jalpy daıyndyq deńgeıi erekshe joǵary, sondyqtan biz ádettegi sannan artyq saıyskerlerdi tańdadyq. Endi, senbi kúni ótetin aqtyq máreni asyǵa kútýdemiz. Jeńimpazdy anyqtaý qıyn bolatynyn naqty aıta alamyz. Sheshim qabyldaý kezinde biz birneshe krıterıılerdi esepke alamyz: bul qatysýshynyń jasy, oryndaǵan arııasynyń uzaqtyǵy. Bıylǵy baıqaýdyń erekshe belgisiniń biri – soprano-qatysýshylardyń kóp sany, barlyǵy da shetinen myqty. Men osymen 10 jyl «Operalııanyń» ádilqazy múshesimin. Bul óte mańyzdy da kúrdeli vokaldyq jarys. Baıqaýdaǵy jeńis ánshilerge kóptegen jetekshi opera teatrlarynyń esigin aıqara ashady. О́z atymnan aıtatyn bolsam, teatrymnyń afıshasynda esimderin kórgim keletin bir-eki ánshi bar», - dep bólisti Metropolıten-operanyń kórkemdik jetekshisi Djonatan Frend.