Saltanatty jıynnyń resmı bóliminde Aqparat jáne kommýnıkasııalar mınıstri Dáýren Abaev sóz sóılep, EKSPO-2017 kórmesiniń taqyryby men Rýmynııanyń kórmege qatysýy mańyzdy ekenin jetkizdi. «Bul memleket halyqaralyq sharaǵa óte tereń tujyrymdama usyndy, ol – jaryq energııasy», dedi mınıstr. Rýmynııanyń syrtqy ister mınıstri Teodor Meleshkaný EKSPO-2017 kórmesi adamzat qoǵamy qol jetkizgen tehnologııalyq damý deńgeıin kórsetetinin aıtty. «Shaǵyn jáne orta kásipkerlikti qosqanda, kóptegen ekonomıkalyq sýbektilerdi ártaraptandyrý jáne biriktirý turǵysynda «Bolashaqtyń energııasy» atty EKSPO-2017 kórmesi jalpy ekonomıkalyq yntymaqtastyǵymyzdaǵy jańa sapa deńgeıiniń negizgi núktesine aınalary sózsiz», dedi ol. Merekeden soń kópshilik Rýmynııa pavılonyn aralap, ekskýrsııa jasady. Ondaǵy jádigerler memlekettiń sońǵy jarty jylda ashqan óte mańyzdy jobasy «Ekstremaldy jaryq ınfraqurylymyna» baılanysty. Ol – progress pen ǵylymı álem sabaqtastyǵynyń sımvoly. Jobanyń arqasynda bolashaqqa kóz salýǵa bolady. Iаdrolyq fızıka salasyndaǵy jalpyeýropalyq «Elaı» dep atalatyn kurylǵyny Majarstan men Chehııa elderi birlese otyryp ázirlegen. Bul joba júzege assa, álemdegi eń kúshti lazerge aınalady. Ol kún beretin energııanyń 10 paıyzyna teń qýatty túrlendiredi eken. Kelýshiler osy lazer arqyly ózderiniń energııasymen bólise alady. Al shaǵyn monıtorlarda sizdiń qansha energııa bólgenińiz jazýly týrady. Rýmynııalyqtar kórme qonaqtaryn ınteraktıvti rejimde qyzyqtyrýǵa tyrysqan. Munda ot pen jaryq sáýleleri kóp. Ekskýrsııa jasaýshylardyń aıtýynsha, pavılonnyń negizgi maqsaty – grafıkalyq, vızýaldy quraldardyń kómegimen lazerlik tehnıkanyń damyǵanyn kórsetý. «Pavılonda dúnıe júzinde myqty sanalatyn eki lazer bar. Olardyń qýattylyǵy kún energııasynyń onnan bir paıyzyna deıin jetedi. Jáne de bir gamma sáýlesi bar. Olardyń kómegimen fızıka salasyndaǵy ǵylymı-zertteý jumystaryn, máselen, medısına salasynda rak aýrýyn zertteýdi, oǵan qarsy kúresýdi júrgize alady. Kórmeni uıymdastyrýshylardyń aıtýynsha, rýmynııalyqtardyń pavılonyn kúnine 3 myńnan 5 myńǵa deıin kórermen tamashalaıdy», deıdi pavılon aýdarmashysy Ásel Bóken. Aǵymdaǵy jyly Qazaqstan men Rýmynııa dıplomatııalyq qarym-qatynastyń 25 jyldyǵyn atap ótýde.
Rýmynııa pavılony qonaqtarynyń nazaryn aýdardy.
EKSPO-2017 halyqaralyq kórmesinde Rýmynııanyń ulttyq kúni toılandy. Merekelik keshte kórermender nazaryna mádenı baǵdarlama usynyldy. Onda fleıtanyń koroli, sýretshi, aqyn, Fransııanyń, Belgııanyń, Lıýksembýrgtiń rysary George Zamfır óner kórsetti. Djeıms Lasttyń «Odınokıı pastýh» týyndysyn álemge tanytqan ataqty mýzykanttyń álem sahnalaryna shyǵyp júrgenine jarty ǵasyrdan asqan. Sondaı-aq, ulttyq sahnada Rýmynııanyń «Dakııa» mádenı qaýymdastyǵynyń ártisteri halyq bıin oryndady.