Ońtústikten Soltústikke qonys aýdarýshylardy qoǵamdyq negizde qoldap, uıymdastyrý sharalaryn atqaryp júrgen «Táýekel» qoǵamdyq birlestiginiń jetekshisi Býrahan Daqanovty Eńbek jáne halyqty áleýmettik qorǵaý mınıstri Asqarbek Ertaev qabyldap, el janashyrynyń tıimdi usynystaryn qoldaıtynyn jetkizdi dep habarlaıdy Egemen.kz.
Kezdesý barysynda Asqarbek Ertaev kóshi-qon úderisterin retteý máseleleri memlekettik saıasattyń basym baǵyttarynyń biri ekenin atap ótti. Bul sharalar halyq sanynyń turaqtylyǵyn qamtamasyz etip, jańa jumys oryndaryn ashýǵa jáne aýmaqtardyń ınvestısııalyq tartymdylyǵyn arttyrýǵa baǵyttalǵan. Al Býrahan Daqanov Soltústik Qazaqstan oblysynda qonys aýdarýshylar men qandastarǵa «bir tereze» qaǵıdaty boıynsha jan-jaqty qoldaý kórsetetin Beıimdeý jáne ıntegrasııalaý jónindegi mamandandyrylǵan ortalyq ashýdy usyndy.
El múddesine saı jańa kóshi-qon saıasaty
Sondaı-aq qoǵam qaıratkeri tólqujattarda ulty kórsetilmegen etnıkalyq qazaqtardy qabyldaýmen aınalysatyn óńirlik komıssııalardyń jumysyn jandandyrý qajettigin kótergen.
Qazaqstanda 2030 jylǵa deıingi kóshi-qon saıasatynyń jańa tujyrymdamasy ázirlendi
Kezdesý qorytyndysynda Asqarbek Ertaev Soltústik óńirlerdiń eńbek áleýetin arttyrýǵa baǵyttalǵan usynystardy qoldaıtynyn bildirip, olardy jan-jaqty pysyqtaý jáne iske asyrý úshin Mınıstrliktiń jaýapty qurylymdyq bólimshelerine naqty tapsyrmalar beriletinin jetkizgen.
Soltústik Qazaqstan oblysy