Qazaqstanda azamattardyń jalpy qaryz júktemesine shekteý engizý josparlanyp otyr. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova málimdedi, dep habarlaıdy Egemen.kz.
Onyń aıtýynsha, memlekettik organdar BNPL (buy now, pay later – «qazir al, keıin tóle») naryǵyn retteýge baǵyttalǵan jańa zań ázirleýdi nemese qoldanystaǵy zańnamaǵa ózgerister engizýdi josparlap otyr. Bul banktik emes uıymdar, marketpleıster men saýda oryndary usynatyn bólip tóleý qyzmetterine qatysty.
Mundaı ónimder formaldy túrde nesıe bolyp sanalmasa da, is júzinde kredıttik mindettemeniń barlyq belgilerine ıe.
«Sońǵy aqparatqa sáıkes, Ulttyq bank bul tetikti 2027 jyldyń 1 qańtarynan bastap engizýdi josparlap otyr. Azamattyń ala alatyn qaryzynyń eń joǵarǵy shegi nomınaldy túrde bekitiledi», dedi Mádına Ábilqasymova.
Qaryzsyz qoǵam: qarjy saýaty qaı deńgeıde?
Sonymen qatar retteýshi organ bıyl Ulttyq bank naqty shekteý kórsetkishterin aıqyndaıtynyn atap ótti. Iаǵnı, azamattyń jalpy qaryzynyń kólemi, sondaı-aq ıpoteka, avtonesıe jáne kepilsiz nesıeler boıynsha bólek shekteýler belgilenýi múmkin.
«Azamattyń jyldyq tabysyna shaqqandaǵy jalpy qaryzdyń shekti koeffısıenti engiziledi. Bul – Ulttyq bank qoldanatyn jańa makroprýdensıaldyq qural», dedi agenttik basshysy.
Qarý asynǵanǵa – qaryz joq: Sarbazdarǵa nesıe berýge nege tyıym salynbaq?