Shyǵys Qazaqstan oblysyndaǵy «Shyǵystústimet» JShS-ne qarasty Artemev shahtasynda óndiristik jazataıym oqıǵa saldarynan jumysshy kóz jumdy, dep habarlaıdy Egemen.kz.
KAZ Minerals kompanııasynyń málimetinshe, qaıǵyly jaǵdaı 30 mamyr kúni keshki saǵat 20:30 shamasynda bolǵan. Aldyn ala derekter boıynsha, oqıǵaǵa taý jynystarynyń opyrylýy sebep bolǵan.
Kompanııa marqumnyń otbasy men jaqyndaryna kóńil aıtyp, qajetti kómek pen qoldaý kórsetiletinin málimdedi.
Oqıǵadan keıin ýchaskedegi barlyq jumys toqtatylyp, arnaıy komıssııa men ýákiletti organdardyń qatysýymen tergeý bastaldy. Mamandar apattyń naqty sebepterin anyqtap, mundaı jaǵdaılardyń qaıtalanýyna jol bermeý sharalaryn qarastyrýda.
Oqıǵa ornyna KAZ Minerals toby basqarmasynyń tóraǵasy Andreı Tretıakov bardy.
Aıta keteıik, 27 sáýirde osy kompanııaǵa qarasty Orlov shahtasynda jazataıym oqıǵa tirkelip, bir qyzmetker kóz jumǵan bolatyn.
Aıta keteıik, Jezqazǵanda káriz kollektoryn tazalaý kezinde jumysshy qaza tapty.