Fýtboldan Chempıondar lıgasynyń fınalynda «Parı Sen-Jermen» klýby jeńiske jetkennen keıin Fransııanyń birneshe qalasynda jappaı tártipsizdikter oryn aldy, dep habarlaıdy Egemen.kz.
Jergilikti BAQ málimetinshe, qoǵamdyq tártipti buzýǵa qatysy bar degen kúdikpen keminde 140 adam ustalǵan. Quqyq qorǵaý organdary 2216 tekserý júrgizip, 89 aıyppul salǵan. Sonymen qatar, 24 faıer men júzge jýyq pırotehnıkalyq qural tárkilendi.
Tártipsizdikter kezinde qaýipsizdikti qamtamasyz etýge jumyldyrylǵan polısııa qyzmetkerleriniń biri jaraqat alǵan. Sondaı-aq «Park de Prens» stadıony ornalasqan Parıjdiń XVI okrýginde naýbaıhana men meıramhanaǵa zaqym kelgen.
Elıseı alańy mańynda alty kólik pen gazet dúńgirshegi órtelgen. Al stadıon tóńireginde myńǵa jýyq adam jınalyp, jalǵa beriletin velosıpedterden barrıkadalar turǵyzǵan. Tártip saqshylary jaǵdaıdy baqylaýǵa alyp, keı kezderi kózden jas aǵyzatyn gaz qoldanýǵa májbúr bolǵan.
Eske salaıyq, Chempıondar lıgasynyń fınalynda «Parı Sen-Jermen» men Londonnyń «Arsenal» klýby kezdesip, parıjdik komanda jeńiske jetken bolatyn.