«Qazgıdromet» sınoptıkteri 31 mamyr, jeksenbi kúni el aýmaǵyndaǵy aýa raıy boljamyn jarııalady. Eldiń ońtústik jáne ortalyq óńirlerinde kún qatty ysıdy, dep habarlaıdy Egemen.kz.
Eń joǵary temperatýra Túrkistan oblysynda tirkelmek – kúndiz aýa temperatýrasy +38...+40 gradýsqa deıin kóteriledi. Sondaı-aq Shymkent, Qonaev, Qyzylorda, Taraz, Taldyqorǵan jáne Jezqazǵan qalalarynda +35...+38 gradýsqa deıin ystyq bolady.
Astana, Almaty, Qaraǵandy jáne Kókshetaýda jaýyn-shashynsyz, kún ashyq bolyp, aýa temperatýrasy +31...+33 gradýsqa deıin jetedi.
Batys Qazaqstannyń keıbir óńirlerinde aýa raıy qubylmaly bolady. Aqtaýda jańbyr jaýyp, naızaǵaı oınaýy múmkin. Aqtóbe, Qostanaı jáne Oral qalalarynda jańbyr jaýyp, naızaǵaı kútiledi. Oralda burshaq túsip, daýyldy jel soǵýy yqtımal.
Soltústik óńirlerde de jel kúsheıedi. Petropavlda túngi jáne tańǵy ýaqytta tuman túsip, jel ekpini sekýndyna 15-20 metrge deıin jetýi múmkin.