Aqtaýdaǵy №3 arnaýly áleýmettik qyzmet kórsetý ortalyǵynda tórt jastaǵy balanyń jaraqat alýyna baılanysty qyzmettik jáne sotqa deıingi tergeý bastaldy, dep habarlaıdy Egemen.kz.
Lada.kz-tiń málimdeýinshe balanyń ata-anasy 27 mamyr kúni keshke ulyn úıine alyp ketken kezde balanyń denesinen kógergen izder men syzattardy baıqaǵan. Osydan keıin olar mekeme ákimshiliginen túsinikteme talap etip, keıin polısııa men prokýratýraǵa aryz jazǵan.
Ata-analardyń málimetinshe, ortalyq qyzmetkerleri jaraqattardy basqa tárbıelenýshi salýy múmkin ekenin aıtqan. Sondaı-aq olar ártúrli jastaǵy balalardyń birge ornalastyrylýy men mekemedegi sanıtarlyq jaǵdaıǵa qatysty da shaǵymdaryn jetkizdi.
Aqtóbede fýtbol qaqpasy balanyń ústine qulady
Mańǵystaý oblystyq jumyspen qamtýdy úılestirý jáne áleýmettik baǵdarlamalar basqarmasy oqıǵanyń bolǵanyn rastady. Vedomstvonyń aldyn ala málimetine sáıkes, kezekshilik kezinde jaýapty qyzmetker óz mindetin tıisinshe oryndamaǵandyqtan balalar baqylaýsyz qalǵan. Sonymen qatar, oqıǵa týraly ortalyq basshylyǵy men balanyń zańdy ókilderine der kezinde habar berilmegen.
Qazirgi ýaqytta arnaıy komıssııa qurylyp, jan-jaqty qyzmettik tekserý júrgizilýde. Tekserý barysynda qaýipsizdik talaptarynyń saqtalýy, mekeme jumysynyń uıymdastyrylýy jáne laýazymdy tulǵalardyń áreketteri baǵalanady.
Aqmoladaǵy balabaqshada bolǵan janjal: Tárbıeshi jumystan shyǵaryldy
Polısııa departamenti atalǵan derek boıynsha sotqa deıingi tergeý bastalǵanyn habarlady. Tergeý nátıjesinde oqıǵanyń barlyq mán-jaıy anyqtalyp, jaýapty tulǵalardyń áreketine quqyqtyq baǵa beriledi.
О́ńirlik bılik bul máseleni erekshe baqylaýǵa alyp, kináliler anyqtalǵan jaǵdaıda tıisti jaýapkershilikke tartylatynyn málimdedi.