Qyrǵyzstan prezıdenti Sadyr Japarov burynǵy prezıdent ákimshiliginiń basshysy bolǵan Farıd Nııazovqa keshirim jasap, ony túrmeden bosatý týraly sheshim qabyldady, dep habarlaıdy Egemen.kz.
Farıd Nııazov ár jyldary memlekettik qyzmette eńbek etip, jýrnalıstıka salasynda jumys istegen. Sondaı-aq ol burynǵy prezıdent Almazbek Atambaevtyń keńesshisi bolyp, keıin onyń ákimshiligin basqarǵan.
Nııazovqa qatysty sońǵy úkim 2019 jylǵy Qoı-Tash aýylyndaǵy oqıǵalarǵa baılanysty shyǵarylǵan edi. Sol kezde arnaıy qyzmet ókilderi eks-prezıdent Atambaevty ustaýǵa áreket jasap, operasııa tártip saqshylary men onyń jaqtastary arasyndaǵy qaqtyǵysqa ulasqan.
Qyrǵyzstanda Qamshybek Táshıevke qatysty sot prosesi ótip jatyr
Sot Nııazovty jappaı tártipsizdik uıymdastyrý, bılik ókiline kúsh qoldaný, kepilge adam alý jáne basqa da baptar boıynsha kináli dep tanyp, ony 7 jyl 8 aı merzimge bas bostandyǵynan aıyrǵan bolatyn. Sonymen qatar ol úsh jyl boıy memlekettik qyzmet atqarý quqyǵynan aıyryldy.
Keıin Bishkek qalalyq soty isti qaıta qarap, úkimniń keıbir tustaryn ózgertkenmen, Nııazovqa taǵaıyndalǵan jaza merzimin ózgerissiz qaldyrdy.
Eske salaıyq, Qoı-Tash oqıǵasy boıynsha Almazbek Atambaev 11 jyl 3 aıǵa bas bostandyǵynan aıyrylǵan edi. Osyǵan qaramastan, Qyrǵyzstan prezıdenti Sadyr Japarov Farıd Nııazovqa keshirim jasaý týraly sheshim qabyldady.