AQSh-tyń Vashıngton shtatynda ornalasqan hımııalyq kásiporynda bolǵan apat saldarynan qaza tapqandar sany 11 adamǵa jetti. Buǵan deıin habar-osharsyz ketken barlyq jumysshylardyń máıitteri tabylǵan, dep habarlaıdy Egemen.kz.
Qaıǵyly oqıǵa Longvıý qalasyndaǵy qaǵaz jáne sellıýloza óndiretin zaýytta bolǵan. Kásiporynda qaǵaz massasyn óndirýde qoldanylatyn hımııalyq eritindi saqtalǵan rezervýar jarylǵan. Apat kezinde quramynda natrıı gıdroksıdi men natrıı sýlfıdi bar suıyqtyq syrtqa tógilgen.
Nıý-Iorktegi zaýyttaǵy jarylystan 16 adam zardap shekti
Alǵashynda eki adamnyń qaza tapqany rastalǵan edi. Keıin qutqarýshylar birneshe kúnge sozylǵan izdestirý jumystary barysynda taǵy toǵyz jumysshynyń denesin tapty. Izdeý kezinde ǵımarat úıindileri tekserilip, aýmaqty baqylaý úshin drondar paıdalanylǵan.
Pákistanda poıyzda jarylys bolyp, 24 adam qaza tapty
Bılik ókilderiniń málimetinshe, rezervýarda shamamen 3,4 mıllıon lıtr hımııalyq eritindi bolǵan. Apattan keıin onyń bir bóligi Kolýmbııa ózenine aǵyp ketken. Alaıda mamandar ázirge aýyz sý men aýa sapasyna aıtarlyqtaı qaýip anyqtalmaǵanyn málimdedi.
Apattyń naqty sebepteri anyqtalyp jatyr, oqıǵa boıynsha tergeý júrgizilýde.