Elordadaǵy LRT iske qosylǵan eki apta ishinde jańa kólik júıesin 1 mıllıon adam paıdalanyp, kúndelikti jolaýshylar aǵyny 65-75 myń adamǵa jetti. Bul týraly Astana ákimi Jeńis Qasymbek áleýmettik jelidegi paraqshasynda málimdedi, dep jazady Egemen.kz.
Ákimniń aıtýynsha, búginde LRT qyzmetin kún saıyn shamamen 65-75 myń adam paıdalanady. Bul kórsetkish jańa qoǵamdyq kólik túriniń elorda turǵyndary men qonaqtary arasynda úlken suranysqa ıe ekenin kórsetedi.
Jeńis Qasymbek jolaýshylarǵa jańa kólik júıesine senim bildirip, ony belsendi paıdalanǵany úshin alǵys aıtty. Sondaı-aq qalada LRT jobasynyń ekinshi kezeńi bastalǵanyn habarlady. Jańa baǵyt Astana men Qosshy qalasyn baılanystyrady dep josparlanyp otyr.
Almatyda LRT qashan iske qosylady?
Ákimniń sózinshe, jobany odan ári damytý elordanyń kólik ınfraqurylymyn keńeıtip, aglomerasııa aýmaǵyndaǵy qatynasty jaqsartýǵa múmkindik beredi.