«KAZAKH INVEST» Ulttyq kompanııasy» AQ basqarmalarynyń tóraǵasy Maqsat Qabashevtyń aıtýynsha, bul qujatta Qazaqstanda organıkalyq qaldyqtardan bıoqýat óndirý boıynsha ınnovasııalyq qural-jabdyqty qoldanysqa engizý úshin ınvestısııa salý jaıy qarastyrylǵan.
«Bionet SrL» jobasy boıynsha kelip túsetin shıkizatty anaerobty ashytý jáne bıogazdy qalpyna keltirý arqyly odan elektr qýatyn nemese bıometan alý jolymen shıkizattyń energetıkalyq áleýetin paıdalana alatyn zaýyt qurý kózdelingen. «Bizdiń tehnologııamyzdy qoldana otyryp jumys isteıtin zaýyt qatty qaldyqty óńdeı otyryp, ony elektr qýatyna nemese aýylsharýashylyǵynda paıdalanylatyn tyńaıtqysh ónimine aınaldyryp kádege jaratýǵa múmkindik beredi. Osylaısha biz qýat únemdeý jáne qorshaǵan ortany qorǵaý mindetterin qatar sheshemiz», - dep túsindirdi «Bionet SrL» prezıdenti Norberto Zanını.
Memorandýmǵa Italııanyń Frıýlı-Venesııa-Djýlııa óńiriniń «Astana EKSPO-2017» halyqaralyq kórmesindegi aptalyǵy sheńberinde «Expobetobe Astana» resmı bastamasy boıynsha qol qoıyldy.
Frıýlı-Venesııa-Djýlııa óńiri Italııanyń pavılony aýmaǵynda 2017 jyldyń 30 shildesi men 5 tamyzy aralyǵynda «Astana EKSPO-2017» halyqaralyq kórmesiniń «Keleshektiń qýaty» taqyrybymen úndesetin tabıǵı kózderden qýat óndirý tájirıbesiniń tusaýkeserin ótkizbek.