«Sakraldy Qazaqstan» ǵylymı-zertteý ortalyǵynyń basshysy Berik Ábdiǵalı Shyǵys Qazaqstan oblysy Katonqaraǵaı aýdanyndaǵy Berel qorymynan Altyn adamnyń tabylǵanyn jarııalady, dep habarlaıdy «QazAqparat».
«Súıinshi, aǵaıyn! Taǵy da kóne dáýirdiń kózindeı bolǵan qundy jádiger! Saq dáýirine tán túrli dúnıeni búginge bútindeı jetkizgen Altaı taýlary mańyndaǵy Berel qorymynan Zeınolla Samashev bastaǵan ekspedısııalyq toptyń qazba jumystary nátıjesinde, taǵy bir Altyn adam tabyldy. «Qasıetti Qazaqstan» baǵdarlamasy aıasynda Shyǵys Qazaqstan oblysyna issaparǵa baryp, osyndaı aıtýly jańalyqqa kýá boldym», - deıdi feısbýk paraqshasynda Berik Ábdiǵalı.
Aıta keterligi, Shyǵys Qazaqstan oblysynyń ákimdigi sońǵy jyldary tarıhı oryndarǵa basa mańyz berip keledi. Oblys ákimi Danıal Ahmetov jaýapty vedomstvolarǵa Shyǵys Qazaqstandaǵy tarıhı-mádenı oryndardyń «Qyzyl kitabyn» daıyndaýdy tapsyrǵan bolatyn.