Atalmysh sharany «Jastar» ǵylymı-zertteý ortalyǵy uıymdastyrýda. Joba aıasynda 7 tamyzda saǵat 15.00-de QR Tuńǵysh Prezıdenti kitaphanasynda «Jasampazdyq energııasy» konferensııasy ótedi. Oǵan túrli uıymdar men jastar resýrstik ortalyǵynyń, jastar uıymdarynyń ókilderi men «Astana EKSPO-2017» halyqaralyq mamandandyrylǵan kórmesiniń eriktileri qatysyp, jas adamdardyń áleýmettik jáne jeke damýy boıynsha jobany tanystyrady.
Uıymdastyrýshylar atap ótkendeı, konferensııa formatyna sáıkes ár spıker 15 ishinde óziniń ıdeıasymen tanystyrady nemese jastarmen jumys tájirıbesi jóninde aıtady.
Tanystyrylym aıaqtalǵan soń, kórermender 3 suraq qoıa alady, onymen birge óziniń pikirimen de bólise alady. Osylaısha tájirıbe jáne bilim almasý júredi, pikirtalas ótedi. Arnaıy qaǵazda «keri baılanysta» usynylǵan qatysýshylardyń keńesteri jazylady. Konferensııa qorytyndysy boıynsha keńester jazylyp, saraptalady, keıin ol uıymdastyrýshylar men spıkerlerge jiberiledi.